¿Tikonchiuas tejuatsin itanejnekilis Jiova?

Timitsontasojkamatiliaj porin tikonxeloj tonal tikonitas nejin amaix uan ijkon okachi tikonmatis akonimej itaixpantijkauan Jiova, tikonixmatis tekit tein tikchiuaj uan tikonitas ke itech inechikol Dios kampa tipouij mochiujtok miak taman tekimej. Tikchiaj maj nejin mitsonpaleui xikonajsikamati ke sayoj tejuan tikchiujtokej itanejnekilis Jiova itech nejin tonalmej. Timitsonyoleuaj xikonsentoka xikonixmati Dios. Xikontapoui mochankauan uan motasojikniuan tein tionmomachtijtok uan xionyoui itech nechikolmej tein tikpiaj (Hebreos 10:23-25).

Tikonitas ke kemej okachi tikonixmatis Jiova, okachi tikonmatis ke yejuatsin yekmelauj mitsonteltasojta. Ijkuak, tikonnekis tikonchiuas nochi tein tionuelis uan ijkon tikonnextilis ke no tikontasojta (1 Juan 4:8-10, 19). Sayoj ke, ¿keniuj uelis tikonnextis itech monemilis ke tikontasojta Dios? ¿Keyej mitsonpaleuis komo tikontakamati itanauatiluan tein kijtoua keniuj moneki timonejnemiltiskej? ¿Toni mitsonpaleuis xikonneki tikonchiuas touan itanejnekilis Dios? Akin mitsonmachtia ika Biblia ika miak pakilis mitsonpaleuis xikonajsi tanankililmej, uan ijkon tejuatsin uan mochankauan uelis “[nankisentokaskej] itech inetasojtalis Dios [...] ika nemilis nochipaya tein nankiitstiyouij” (Judas 21, TNM).

Ika nochi toyolo timitsonyoleuaj xikonsentoka itech tamachtilis tein melauak. Semi mitsonpaleuis tionmomachtis nejin amaix, “Xiksentokakan itech inetasojtalis Dios”.