Tetatmej

¿Katiyejua okachi kuali netetayokolil uelis nankinmakaskej nanmokoneuan? Moneki miak taman nankinmakaskej, kemej nankintasojtaskej, nankinyekanaskej uan nankinyekpiaskej. Sayoj ke komo nankinpaleuiaj maj kiixmatikan Jiova uan tein tamachtia itech iTajtol, Biblia, yejua okachi kuali netetayokolil tein uelis nankinmakaskej (Juan 17:3). Nejon taixmatilis kinpaleuis maj kitasojtakan Jiova uan maj peuakan kitekitilikan ika nochi ininyolo maski nojnelmejok (Mateo 21:16).

Miakej tetatmej kiitanij ke konetsitsin okachi kiajsikamatij komo tepitsin momachtiaj uan tepitsin kichiuaj seki tekit. Yejua ika, techyolpaktia tamechmakaskej nejin amaix, Nejua nimomachtia ika Biblia. Kemej amo ouij tataman tamachtilis tein kiualkui, kinpaleuis tetatmej maj amo kinouijmaka kinmachtiskej ininkoneuan. Tiknemilijkej tiktaliskej taixkopimej uan tajkuilol kemej kinpaleuis konemej akin kipiaj eyi xiuit oso okachi nojnelmej. Uan no kiualkui seki tekit tein uelis nankichiuaskej. Nejin amaix maj amo mokui kemej ininauil konemej. Ta mochijchiuak kemej uelis nankiixtajtoltiskej iniuan nanmokoneuan uan ijkon okachi uelis nanmonojnotsaskej.

Tikyekmatij ke nejin amaix namechpaleuis xikinmachtikan nanmokoneuan tein tamachtia Biblia keman ‘pilimejok’ (2 Timoteo 3:14, 15).

Nanmokniuan,

Oloch Taojtokaltianij akin kinixyekanaj iTaixpantijkauan Jiova

[Taixkopin itech página 3]