Kampa monankilia netajtanilmej
◼ ¿Toni ika uelis tikinpaleuiskej precursores?
Itech xiujtekit 2009 ajsitoyaya 800,000 tokniuan tein tekitikej itech nochi taltikpak kemej precursores regulares uan especiales. Nejin tokniuan tel tekitinij semi kikuij imin tiempo, chikaualis uan tomin porin kitetapouiaj iTekiuajyo Dios (Pro. 3:9). ¡Senkis tikneltokaj ke Jiova kiyolpaktia tein kichiuaj! ¿Tiknextiaj ke titanemiliaj kemej Jiova? ¿Toni ika uelis tikinpaleuiskej precursores maj kipiakan yolpakilis uan taxikolis itech tekit tein kichiuaj?
Komo tikiniluiaj tajtolmej tein teyolchikaua, uelis kinpaleuis maj kisentokakan tekitikan kemej precursores (Pro. 25:11). ¿Uelis tikpataskej hora keman titanojnotsaj uan ijkon titekitiskej iuan semej? Keman tiyaskej iuan tokniuj, uelis tikiluiskej maj tikuikan totepos uan amo tein yejua iaxka oso tiktaxtauiliskej keman tiyaskej itech tepos. Uan komo tiyouij itech tein yejua iaxka, uelis tikmakaskej tepitsin tomin tein ika taxtauas tein monekis (1 Cor. 13:5; Fili. 2:4). No uelis tiknextiskej ke tikinpaleuiaj precursores komo kemansa tikinyoleuaj maj takuatij tochan (1 Ped. 4:8, 9).
Biblia kijtoua ke Jiova kinmakas tein kinpoloua akin kitayekanaltiaj iTekiuajyo (Sal. 37:25; Mat. 6:33). Se taman kichiua itechkopa oloch tokniuan tein kichiuaj kemej Cristo (1 Juan 3:16-18). Sayoj ke precursores amo kichiaj maj oksekin kinmakakan tein ika moixpanoltiskej uan amo kiniluijtinemij oksekin komo teisa kinpoloua. Yejika moneki tikinitaskej keniuj moajsij precursores tein kisentokaj tekitij porin ijkon uelis “[tik]majxitiskej ne tapaleuilis ten kinpoloa” (2 Cor. 8:14, 15).
Keman Febe, se tanojnotskej tein moajsia itech nechikol tein yetoya Cencreas, ajsik Roma, Pablo kiniluij tokniuan tein moajsiaj ompa: “Xikselikan ne Febe ika teiknelilis den tokaytsin de Totekotsin, ijkon kemej kinnamiki ki[n]seliskej in taneltokanij. Uan [...] xikpaleuikan ne Febe ika nochi ten kipolojtiyas tech iixpanolis” (Rom. 16:1, 2). Tejuan no ijkon uelis tikinpaleuiskej ika netasojtalis akin moajsij itech tonechikol, tein kisentokaj kitetapouiaj kuali tanauatilmej kemej precursores regulares uan especiales (Hech. 5:42).