Itekiyo Dios tein mochiujtok Centroamérica
1. ¿Toni kiixnextia carro tein moajsi iluikak uan toni kijtosneki maj Jiova kinejnemilti?
1 Itech amaix Ezequiel capítulo 1, moixnextia Jiova itech se ueyi carro tein moajsi iluikak. Nejin carro tein se kimoujkaita kipia naui ruedas uan youi iselti kampa yeski, ta yejua yektikatsin espíritu tein kinejnemiltia uan semi se kimoujkaita kemej ueli kiolinia. Nejin carro kiixnextia organización tein Jiova kipia ne iluikak. Yejua Dios akin kinejnemiltia oso kiolinia maj mopata tein monekis uan ika nejon kichiua itanejnekilis (Eze. 1:4-28).
2, 3. 1) ¿Toni tikitaj ke mochiujtok itech totonaluan? 2) ¿Toni kinextia ke itekitikauan Jiova amo xeliujtokej?
2 Semi tikmoujkaitaj tein mopatatok axkan. Itech nejin xiujmej mochiujtok miak taman tein kinextia ke kisentoka moolinia carro tein Jiova kipia ne iluikak, kemej kitokotsoskej tonechikoluan, maj sayoj itech seki altepemej mochijchiua amaixmej, uan maj okachi mokui computadoras uan okseki teposmej tein tapaleuia maj okachi ijsiujka motematilti tein moneki. ¡Semi techyolpaktia tikitaskej nochi nejin tein mochiujtok!
3 Tanauatijkej Amós kijtoj ke ajsiskia tonal keman “nochi pueblouanij ten amo poujtinemij kemej judíos”, moajsiskiaj kemej eskia sayoj se uan ‘kiuikaskiaj itokay’ Dios (Amós 9:11, 12; Hech. 15:15-17). Kemej mochiuakoj iaxkauan Jiova yejika amo xeliujtokej. Uan nejon moita porin moyekuikaj maski tajtouaj tataman tajtolmej, seseko kayomej uan maski sekin chijchipaujkej uan oksekin amo.
4, 5. ¿Toni yankuixtok kiixtalijkej Oloch Taojtokaltianij uan keyej?
4 Oloch Taojtokaltianij kisentilijtokej taixyekanalis tein mochiua itech seki sucursales noyampa taltikpak. Itech altepemej tein moajsij Centroamérica, kiixtalijkej maj sucursal tein moajsi México kiixyekana itekiyo Dios tein mochiujtok Costa Rica, El Salvador, Guatemala, Honduras, Nicaragua uan Panamá, ijkon kemej mochiujtok seki xiujmejya itech altepet Belice. Yejika motsakuak sucursales itech nejon chikuasen altepemej. Nejin tapaleuia maj sayoj itech se altepet moita tekit tein mochiujtok itech nejon altepemej.
5 ¿Keyej mochiuak nejon? Yekinika, porin tapaleuia maj sayoj seko moixyekana tanojnotsalis tein mochiujtok itech nejon altepemej. “Nochin tein motokijtokej iuan Jiova uan kiseliaj tayoleualis kiueyichiuaskej yejuatsin imiuan itekitikauan”, kisentokaskej kiseliskej nepaleuil tein monekis itech imin yekuikalis iuan Dios (Organizados, página 4; Sal. 145:21; Apo. 22:17). Uan no, kemej kiixtalijkej keniuj okachi ijsiujka mochiuas tekit, tel tapaleuia maj motemaka tein poliui porin ijsiujka momiakilijtok tekit. Nejon techpaleuia maj tisentaueyichiuakan.
6. ¿Toni mopatak ompa Centroamérica itech seki metsti tein tiualpanokej?
6 Yejika itech metsti julio hasta octubre xiuit 2010, sejse sucursales tein moajsiaj Centroamérica yolik kitamiltijkej tekit. Uan no, sekin tokniuan tein tekitiaj itech nejon sucursales, kintitankej Betel tein moajsi México, uan oksekin kintitankej maj tapaleuitij itech nechikolmej uan itech tanojnotsalis.
7. ¿Toni kichiuaj Oloch Taojtokaltianij achto ke kijtoskej toni mochiuas?
7 Maj timokauakan maj techojtokalti Jiova. Nochi tein kiixejekojkej toni mochiuas, achto miakpa kichiujkej netataujtil uan kuali tajtankej oso kiyektemojkej tein monekia. Se tonal, Milton G. Henschel —akin miak xiujmej poujtoya imiuan Oloch Taojtokaltianij— tajtanik: “¿Moajsi itech taltikpak okse organización kampa taixyekananij nochipa kiitaj iTajtol Dios, Biblia, achto ke kijtoskej toni mochiuas tein motelneki?”. Senkis tikmatij ke amo (xikonita amaix “Testimonio cabal”, páginas 111-113, párrafo 10). Uelis senkis tikneltokaskej ke yejuan mokaujkej maj kinixyekana iespíritu Jiova itech nochi imin taixejekolis.
8. ¿Keniuj itekitikauan Jiova sejsemej uelis kitojtokas carro tein moajsi iluikak?
8 Comité de Sucursal tein moajsij itech sejse altepet ompa Centroamérica, kipaleuijtokej ika miak pakilis imin taixejekolis Oloch Taojtokaltianij tein kinextiaj tamatilis, uan senkis kineltokaj ke no ijkon kichiuaskej misioneros, takalpanouanij, precursores, tayekananij, tapaleuianij uan nochin tanojnotsanij. Senkis tikmatij ke Jiova kintatiochiuis nochin akin youij ika miak pakilis kampa nejnemi carro tein moajsi iluikak, uan mokauaj maj kinojtokaltikan ‘imin tayekankauan’ (Heb. 13:17).
9. ¿Toni techpaleuis maj tikinixmatikan tokniuan tein moajsij itech nejin países?
9 Itech mapas tein moajsij itech páginas 8 a 10, moita tapaleuilis tein sejse país kichiujtok itech itekiyo Dios. ¿Tikonitakya kani tionmoajsi tejuatsin? Xa tikonnekis tikontemos itech Anuario de los testigos de Jehová keniuj yetok tal itech sejse país, akonimej nemij uan keniuj peuak uan mopatauak itekiyo Dios ompa. Nejon uelis mochiuas itech Youak keman tiTaueyichiuaj kemej Kalyetouanij. Tikchiuaskej nejon, techpaleuis maj okachi tikinixmatikan tokniuan tein moajsij itech nejon talmej uan okachi techsentilis itech totaueyichiualis (Efe. 6:21; Fili. 1:12).
10. ¿Toni tein kuali mochiujtokya, uan toni mochia maj techualkuili nochi nejon tein mopatatok?
10 Itech yekinika siglo, kemej Oloch Taojtokaltianij kiixyekankej itekiyo Dios, kinualkuilij uejueyi tatiochiualismej itekitikauan Jiova (Hech. 16:4, 5). Uan axkan moyekita ke no ijkon mochiujtok. Se neskayot, yankuixtok se tokniuj takalpanojkej tein moajsi Costa Rica kijtoj: “Nikneki namechtasojkamatilis kuali tekit tein nankichiujtokej ika iespíritu Jiova. Okachi amo ouij uan ijsiujka ueli tiktitanij informes, titajtanij tein moneki, titajtouaj itech sucursal uan itech nechikolmej. Tikuitokej ‘imin leche altepemej’. Nikmachilia ke nikpia inepaleuil organización, uan nejon semi nechyolpaktia. Senkis nikneltoka ke Jiova taolinijtok maj mochiua nochi nejin” (Isa. 60:16). Okse tokniuj kijtoj: “Nechyolpaktia nikitas nochi nejon. Semi kuali nochi tein ueli nankichiuaj ika programas tein kipia computadora uan okseki teposmej. Kemej eskia nikan touan nanmoajsiskiaj. Tikmachiliaj ke okachi amo uejka tiyetokej itech organización tein kiyekana toDios Jiova”.
11. ¿Keniuj uelis tiksentokaskej tiksenueyichiuaskej Jiova?
11 Maj tikpatiuitakan tisentaueyichiuaskej. Keman timokauaj ika miak pakilis maj techojtokalti Jesucristo —“[akin] kinyekantinemi itaneltokakauan”— maski sucursales moajsiskej kampa yeski, tiksentokaj ‘tisentanemiliaj’ uan tisentekitij (Efe. 5:23; 1 Cor. 1:10). Senkis tikneltokaj ke tikitaskejok miak taman tein mopatas ijkon kemej taolinis carro tein moajsi iluikak uan tikitaskej keniuj mopataua itekiyo Dios. Yejika maj tiksentokakan tikchikauakan totakuaujtamatilis, maj nochipa tiksenueyichiuakan Jiova, Dios tein sayoj yejuatsin melauak, uan maj tiksentokakan titakuaujtamatikan itech taixyekanalis tein kitemaka ‘takeual takuaujtamach uan tamatkej’ (Mat. 24:45-47).
[Tajtolmej itech página 8]
MÉXICO
GUATEMALA
Altepet Guatemala
BELICE
Belmopán
HONDURAS
Tegucigalpa
EL SALVADOR
San Salvador
Managua
NICARAGUA
COSTA RICA
San José
PANAMÁ
Altepet Panamá
COLOMBIA
Tein mosentilij hasta itech 31 metsti agosto xiuit 2010
Altepet México
GUATEMALA
Taltikpakneminij: 14,361,666
Circuitos: 25
Nechikolmej: 401
Tanojnotsanij: 30,015
Precursores regulares: 3,179
Precursores especiales: 207
Misioneros: 30
EL SALVADOR
Taltikpakneminij: 5,835,231
Circuitos: 36
Nechikolmej: 665
Tanojnotsanij: 37,337
Precursores regulares: 2,617
Precursores especiales: 280
Misioneros: 11
COSTA RICA
Taltikpakneminij: 4,509,392
Circuitos: 21
Nechikolmej: 394
Tanojnotsanij: 26,043
Precursores regulares: 2,051
Precursores especiales: 92
Misioneros: 29
BELICE
Taltikpakneminij: 303,283
Circuitos: 2
Nechikolmej: 49
Tanojnotsanij: 2,183
Precursores regulares: 308
Precursores especiales: 37
Misioneros: 9
HONDURAS
Taltikpakneminij: 8,175,763
Circuitos: 18
Nechikolmej: 302
Tanojnotsanij: 19,009
Precursores regulares: 2,739
Precursores especiales: 194
Misioneros: 92
NICARAGUA
Taltikpakneminij: 5,727,000
Circuitos: 19
Nechikolmej: 341
Tanojnotsanij: 22,848
Precursores regulares: 2,471
Precursores especiales: 215
Misioneros: 68
PANAMÁ
Taltikpakneminij: 3,504,483
Circuitos: 18
Nechikolmej: 279
Tanojnotsanij: 13,225
Precursores regulares: 1,484
Precursores especiales: 171
Misioneros: 38
MÉXICO
Taltikpakneminij: 108,782,804
Circuitos: 557
Nechikolmej: 12,339
Tanojnotsanij: 710,454
Precursores regulares: 92,049
Precursores especiales: 1,284
Misioneros: 5