Tanauatilmej

◼ Amaixmej tein tiktemakaskej febrero: amaix Biblia, ¿toni ika tajtoua? Marzo: amaix Tamachtia Biblia. Xionmochikaua tikonpeualtis se nemachtil ika Biblia itech yekinika takalpanolis. Komo taltikpaknenkej kipiaya amaix sayoj ke amo kineki kiselis nemachtil, uelis tikonkauilis se revista tein achto kisak oso se folleto tein kiuelitas. Abril: La Atalaya uan ¡Despertad! Komo taltikpaknenkej kineki kimatis okachi, xikonkauili tratado ¿Tikonuelitaskia tikonmatis itanankililuan netajtanilmej tein motelneki? uan xionmochikaua tikonpeualtis se nemachtil ika Biblia. Keman oksepa tikinkalpanoskej akin touan mosentiliaj ijkuak tikelnamikij imikilis Jesús oso kemansa yanij itech nechikol sayoj ke ayamo tokniuan, maj timochikauakan tikpeualtiskej se nemachtil ika amaix Tamachtia Biblia. Mayo: amaixmej Uelis timochiuas tiitasojikniuj Dios, Imin espíritus mikemej uan Biblia, ¿toni ika tajtoua?

◼ Tanojnots tein motemaka satepan keman tikelnamikij imikilis Jesús yeski itamiampa nejon semana uan motokaytia “¿Tikonnemilia ke uejka poliuiok?”.

◼ Komo tikonnemilijtok tionyas itech okse ueyi altepet tein amo ixnesi kampa moijtoua tein mochiuak itech se xiuit oso itech itamiampa Anuario tein yankuixtok kisak, timitsontajtaniaj xiontajto itech sucursal uan ompa mitsoniluiskej seki taman tein amo uelis tikonchiuas oso okse taman tein monekis. Itech nejon xolalmej itekiyo Dios uelis moajsis itech kuejmol (Mat. 10:16). Itech seki xolalmej uelis amo kuali yetos maj akin ompa yaskej kintemokan itaixpantijkauan Jiova oso nechikolmej. No uelis mitsoniluiskej ox uelis tiontanojnotsas oso tikonuikas amaixmej. Komo tikontakamati tein mitsoniluiskej, tiontapaleuis maj amo mochiua se kuejmol tein mitsonijtakos tejuatsin oso itekiyo Dios itech ueyi altepet kampa tionyas (1 Cor. 14:33, 40).