Keniuj tipeuaskej titajtoskej
Keniuj tikpeualtiskej nemachtilmej ika Biblia itech yekinika sábado tein kipia julio
“Nochin taltikpakneminij kiuelitaskiaj nemiskej miak xiujmej uan yolpakiskej. Nikuelitaskia nikmatis toni tikonnemilia tejuatsin: ¿tikonnemilia ke tein momachtiaj tamatinij uan tapajtianij uelis techpaleuis maj tinemikan nochipaya?” Xikonkaua maj tanankili. Ompa xikonnextili tamachtilis tein moajsi itamiampa amaix Tanejmachtijkej 1 metsti julio, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.
Nota: Nejin moneki moixnextis itech nechikol tein mochiuas achto ke tikisaskej tanojnotsalis itech tonal 6 metsti julio.
Tanejmachtijkej 1 metsti julio
“Miakej taltikpakneminij akin iniuan titajtouaj kipiajya inintaneltokalis. Sayoj ke oksekin techiluiaj ke amo takuaujtamatijok itech taneltokalismej. ¿Toni tikonnemilia tejuatsin? [Xikonkaua maj tanankili.] Jesús kijtoj keniuj tikmatiskej ox uelis titakuaujtamatiskej itech nochi taneltokalismej [xikonixtajtolti Lucas 6:44a]. Nejin amaix ika tajtoua seki taman tein amo kuali tein kichiuaj taneltokalismej uan kinankilia netajtanil: ‘¿Moajsi se taneltokalis tein uelis itech titakuaujtamatiskej?’.”
¡Despertad! Julio
“Tikinkalpanojtokej akin nemij nikauin uan ika titajtojtokej se kuejmol tein tinochin techtekipachoua: mochiua tein amo melauak. Kemej tikonmati, miakej mosentiliaj uan kichiuaj miak taman tein ika kinkakiskej porin kinekij maj amo mochiuaok tein amo melauak. ¿Tikonnemilia ke nejin uelis kichiuas maj amo onkaok nejin kuejmol? [Xikonkaua maj tanankili.] Biblia techiluia toni kiyektalis nejin kuejmol [xikonixtajtolti Mateo 6:9, 10]. Itech nejin amaix tikonitas ox taltikpakneminij akin kichiuaj miak taman tein ika kinkakiskej uelis tapaleuiskej maj amo mochiuaok tein amo melauak.”
Kuali tanauatilmej tein Dios kitemaka
“Axkan ika titajtojtokej se taman tein tel kuali uan moajsi itech Biblia. Miakej motajtaniaj keyej se Dios tetasojtakej kikaua maj onka tajyouilis. ¿Tikonnemilia ke yejuatsin ijkon kiixtalij maj titajyouikan?” Xikonkaua maj tanankili uan satepan xikonnextili tamachtilis 5. Xikonixtajtolti uan iuan xikonita yekinika ome párrafo uan tajkuilolmej tein kijtoua maj moixtajtolti. Xikonkauili folleto uan iuan xionmotenkaua kemanian nankiitaskej ojpatika netajtanil.