Tein tel kuali kisak itech tanojnotsalis
Itech tonal 11 hasta 13 metsti enero xiuit 2013 mochiuak se ueyi nechikol itech Estadio Nacional itech altepet San José, Costa Rica. Mosentilijkej 27,321 uan moauijkej 368. Yajkej 1,705 tokniuan kayomej Colombia, Ecuador, Estados Unidos uan México. Itech nejin ueyi nechikol yetoyaj tokniuan Gerrit Lösch uan Mark Sanderson, akin pouij iniuan Oloch Taojtokaltianij uan mojmostaj kitemakakej tanojnotsmej tein tayolchikaujkej. Nejon ueyi nechikol techelnamiktia tajtolmej tein moajsij itech Salmo 133:1: “¡Semi kuali uan semi teyolpaktij maj tokniuan kualtsin sennemikan!”.