Keniuj tipeuaskej titajtoskej

Keniuj tikpeualtiskej nemachtilmej ika Biblia itech yekinika sábado tein kipia agosto

“Miakej taltikpakneminij kemansa kichiuilianij netataujtil Dios. Hasta akin amo kineltokaj kichiuiliaj netataujtil keman kipiaj ouijkayomej. ¿Tikonnemilia ke yejuatsin kinkaki nochin akin kitataujtiaj?” Xikonkaua maj tanankili. Ompa xikonnextili tamachtilis tein moajsi itamiampa amaix Tanejmachtijkej 1 metsti agosto, xiksenitakan tamachtilis tein kiualkui itech yekinika netajtanil uan xikonixtajtoltili maski sayoj se texto. Xikonkauili amaixmej uan xionmotenkaua iuan kemanian nankisentokaskej nankiitaskej okse netajtanil.

Nota: Nejin moneki moixnextis itech nechikol tein mochiuas achto ke tikisaskej tanojnotsalis itech tonal 3 metsti agosto.

Tanejmachtijkej 1 metsti agosto

“Miakej taltikpakneminij kintekipachoua porin onkak miak taman kampa monextia auilnemilis. Sayoj ke, sekin kinemiliaj ke sayoj se neixpetanilis tein amo teijtakoua. ¿Toni tikonnemilia tejuatsin? [Xikonkaua maj tanankili.] Jesús kijtoj ke uelis tikmatiskej ox teisa kuali oso amo, komo tikitaj toni teualkuilia [xikonixtajtolti Mateo 7:17]. Nejin amaix kijtoua toni seki taman tein amo kuali mochiua komo se kiita auilnemilis. No kijtoua toni uelis kichiuas akin amo kineki kisentokas kiitas.”

¡Despertad! Agosto

“Timiakej tikuelitaskiaj uejkaua tinemiskej. ¿Tikonnemilia tejuatsin ke ejkos tonal keman tamatinij uelis kichiuaskej maj tinemikan nochipaya? [Xikonkaua maj tanankili.] Xikonita toni kijtoua Dios ke kichiuas [xikonixtajtolti 1 Corintios 15:26]. Sayoj ke ¿keniuj yejuatsin uelis kichiuas nejon? ¿Ika tein momachtiaj tamatinij oso ika okse taman? Uan okse tamanok: ¿keyej tiueuentsintiaj uan timomikiliaj? Itech nejin amaix tikonajsis tanankilil tein Biblia kitemaka.”