Maj okachi titekitikan itech tonalmej keman timoseuiaj

Kemej miakej taltikpakneminij moajsij ininkalijtik keman mochiuaj iluimej itech altepet oso keman kiniluichiuiliaj inintiotsitsin, itech nejin tonalmej okachi ueli se tanojnotsa. Tikinyoleuaj tokniuan itech nochi nechikolmej maj kiixtalikan kisaskej tanojnotsatiuij itech nejon tonalmej. Komo miakej taltikpakneminij tajkajya meuaj ijkuak, kuali yeskia maj mopata hora keman mochiua nechikol achto ke tikisaskej titanojnotsatiuij. Itech Nechikol tein Techmachtia iTekiyo Dios uelis tanauatiskej tein moixtalij mochiuas itech tanojnotsalis itech nejon tonalmej uan kinyolchikauaskej nochin maj tapaleuikan. Tikmatij ke itech nejon tonalmej no timoseuiaj oso tikchiuaj okseki taman. Sayoj ke kuali yeskia maj tikixtalikan seki hora tikisaskej titanojnotsatiuij. Komo tikchiuaj nejon, no tikmachiliskej yolpakilis tein teualkuilia se kitekitilis Jiova (Mat. 11:29, 30).