Maj tikinpaleuikan akin yankuikej maj kiyekmatikan keyej kitekitiliaj Jiova

¡Semi techyolpaktia tikitaskej keniuj Jiova kitiochiujtok tanojnotsalis! (Deut. 28:2.) Xijxiujtika moauiaj panoua 250,000 taltikpakneminij. Sayoj ke, keman aksa moauia, itamachtijkauj xa uelis amo kisentokasok kimachtis porin kineki kinpaleuis oksekin. No uelis panos ke momachtijkej kiixejekos amo kisentokasok kiselis nemachtil porin kineki okachi tanojnotsas. Sayoj ke, motelneki maj momachtianij kiyekmatikan keyej kitekitiliaj Jiova. Moneki maj “nochi [ininnemilis] ma ualeuto itech Cristo” uan “[inintakuaujtamatilis] ma moueyiltijtiu” (Col. 2:6, 7; 2 Tim. 3:12). Yejua ika, satepan keman momachtijkej moauia, moneki kisentokas momachtis hasta kitamis amaix Tamachtia Biblia uan amaix “Inetasojtalis Dios” (xikonita ITekiyo Dios tein Tikchiuaj, abril 2011, página 2).