Maj okachi kuali titanojnotsakan: Xikonnextili akin tikonmachtia keniuj momachtis achto ke tikonkalpanos

KEYEJ MOTELNEKI. Komo momachtijkej achto momachtia, amo kiouijmakas kiajsikamatis uan kielnamikis tamachtilis. Nejon kipaleuis maj niman kichiua tein Jiova kijtoua. Satepan ke moauis, no monekis achto momachtis tein moitas itech nechikolmej uan tein kijtos itech tanojnotsalis, nejon kipaleuis maj ijsato (Mt 25:13). Yejua ika, kimatis keniuj momachtis uan nochipa kichiuas kipaleuis itech nochi inemilis. Ijkuak peuas tikmachtiskej aksa, moneki tikpaleuiskej maj nochipa achto momachti tein tikitaskej.

KENIUJ TIKCHIUASKEJ

• 

  Achto xikonchiua tejuatsin (Ro 2:21). Achto xionmomachti uan xikonita keniuj tamachtilis uelis kipaleuis momachtijkej (km 11/15 pág. 3). Xikonnextili keniuj tikontsojkuiloj moamaix.

• 

  Xikonyoleua maj achto momachti. Keman nochipa tikonmachtisya, xikonilui ke semi moneki maj achto momachti tein nankiitaskej uan xikonmelauili keniuj kipaleuis nejon. Xikonilui keniuj uelis kixelos tiempo uan ijkon momachtis. Keman momachtijtokej, seki tokniuan kitaneujtiaj ininamaix tein tsojkuiliujtokya akin kimachtiaj, ijkon uelis kiitas keniuj tapaleuia. Keman achto momachtis xikonilui ke kuali tein kichiua.

• Xikonnextili keniuj achto momachtis. Seki tanojnotsanij keman peuaj kimachtiaj aksa, itech yekinika tamachtilis kinextiliaj keniuj uelis achto momachtis.