TONEMILIS KEMEJ ITATOJTOKAKAUAN CRISTO
Itech uejueyi nechikolmej tein uejkauaj eyi tonal ueli tiknextiaj ke titetasojtaj
¿Keyej semi tikuelitaj kemaj mochiuaj uejueyi nechikolmej tein uejkauaj eyi tonal? Porin kemej israelitas tejuan no ueli tikueyichiuaj Jiova iniuan tel miakej tokniuan. Uan amo sayoj tikseliaj miak tamachtilis, ta ueli tisenyetokej iniuan akin kuali timouikaj uan tochankauan. Semi tikpatiuitaj nejin tonalmej, yejua ika timochikauaj amo titapoloskej nion se tonal.
Itech ueyi nechikol amo sayoj moneki tiknemiliskej tein uelis tikseliskej, ta no tiknemiliskej keniuj uelis tikinnextiliskej oksekin ke tikintasojtaj (Gál 6:10; Heb 10:24, 25). Tiknextiaj ke ininka titanemiliaj oksekin keman sayoj tikxelouaj kampa timotaliskej oso tikitskiliaj puerta se tokniuj keman panotos (Flp 2:3, 4). Itech uejueyi nechikolmej no uelis tikinixmatiskej oksekin akin uelis kuali iniuan timouikaskej. ¿Uelis tiknojnotsaskej akin amo tikixmatij? Uelis tikchiuaskej sejse tonal, achto ke peuas uan tamis tanojnotsmej oso nepantaj keman titakuaskej (2Co 6:13). Komo ijkon tikchiuaj, uelis kuali iniuan timouikaskej nochipaya. Keman akin amo momachtiaj kiitaskej ke timotasojtaj xa kinekiskej kitekitiliskej Jiova (Jn 13:35).
SATEPAN KE MOITAS VIDEO UEJUEYI NECHIKOLMEJ KAMPA MOSENTILIAJ AKIN KAYOMEJ ITECH OKSEKI ALTEPEMEJ “NETASOJTALIS AMO KEMAN TAMI”, XIKONNANKILI NEJIN NETAJTANILMEJ:
Kemej itech xiuit 2019 mochiujkej uejueyi nechikolmej kampa mosentiliaj akin kayomej itech okseki altepemej, ¿keniuj tokniuan kinselijkej akin yajkaj?
¿Keniuj miakej kiitaj maj itekitikauan Dios motasojtakan uan maj kuali mouikakan?
¿Toni kijtojkej tokniuan Oloch Taojtokaltianij keman ika tajtojkej netasojtalis?
¿Keniuj uelis tiknextiskej ke titetasojtaj itech uejueyi nechikolmej?
Tokniuan akin kayomej Alemania uan Corea del Sur semi motasojtakej, ¿keniuj nejon semi kinpaleuij?
¿Toni moneki nochipa tikchiuaskej?