¿Toni nechpolouaok nikchiuas tein nechpaleuis maj nimoaui?
TONEMILIS KEMEJ ITATOJTOKAKAUAN CRISTO
Xikonixtali tikontekitilis Jiova
¿Yekin tionmomachtijtok Biblia oso titelpoch titanojnotskej uan ayamo timoauia? ¿Nankinemilianijya namoauiskej? ¿Keyej moneki nankichiuaskej? Porin keman timotemaktiaj iuan Jiova uan timoauiaj, peua kuali iuan timouikaj uan no techpaleuis maj timakisakan (Sl 91:1; 1Pe 3:21). ¿Toni moneki tikchiuaskej komo tiknekij timotemaktiskej uan timoauiskej?
Xikonneltoka ke tein tionmomachtijtok yejua tein melauak. Komo teisa amo tikonajsikamati, xikontemo tikonmatis tein kijtosneki (Ro 12:2). ¿Moneki tikonpatas seki taman? Komo ijkon, xikonchiua porin tikonneki tikonyolpaktis Jiova (Pr 27:11; Ef 4:23, 24). Xikontataujti Jiova maj mitsonpaleui uan amo xionomeyoloua ke yejuatsin mitsonpaleuis xiontaxiko ika iyektikatsin espíritu (1Pe 5:10, 11). Amo nenkaj yeski komo ijkon tikonchiua, porin se kitekitilis Jiova yejua tein okachi kualtsin (Sl 16:11).
SATEPAN KE MOITAS VIDEO TEIN TEUIKA MAJ SE MOAUI, XIKONNANKILI NEJIN NETAJTANILMEJ:
¿Toni ouijkayomej kiixnamikij sekin achto ke moauiskej?
¿Toni mitsonpaleuis xiontakuaujtamati iuan Jiova uan xionmotemakti?
¿Toni kichiuani maj miakej kinekikan moauiskej?
¿Keniuj kintatiochiuia Jiova akin kiixtaliaj kitekitiliskej?
¿Toni kijtosneki se motemaktis uan se moauis?