MAJ OKACHI KUALI TITAMACHTIKAN | OKACHI XIONYOLPAKI KEMAN TIONTANOJNOTSAS
Maj tikpaleuikan maj tamachtilis ajsi itech iyolo
Toyolo techolinia maj tiktakamatikan Dios (Pr 3:1). Yejua ika, keman tikmachtiaj se taltikpaknenkej, moneki timochikauaskej maj tamachtilis ajsi itech iyolo. ¿Keniuj uelis tikchiuaskej nejin?
Amo sayoj xikonmachti taltikpaknenkej tein Biblia kijtoua, ta no xikonpaleui maj kiita keniuj tein momachtia kipaleuia maj kuali mouika iuan Jiova uan maj okachi kuali nemi. Xikonpaleui maj kiita keniuj itanauatiluan Jiova kinextiaj ke yejuatsin tetasojta, ke kualtakat uan ke kichiua tein melauak. Ika netasojtalis xikonchiuili netajtanilmej tein kipaleuis maj kinemili keniuj kiita tein momachtijtok. Xikonpaleui maj kinemili keniuj yeski inemilis komo amo kichiuaok tein Dios kitauelita. Keman tikonitas ke akin tikonmachtia semi kitasojta Jiova, okachi tionyolpakis.
SATEPAN KE TIKONITAS VIDEO TIYOLPAKIJ KEMAN TIKINCHIUAJ IMOMACHTIJKAUAN JESÚS. MAJ OKACHI KUALI TITAMACHTIKAN. MAJ TIKPALEUIKAN MAJ TAMACHTILIS AJSI ITECH IYOLO, XIKONNANKILI NEJIN NETAJTANILMEJ:
¿Keyej Rita kitajtanij Coral ox itech tanemilijka tein ika tajtojkaj martes?
¿Keniuj Rita kipaleuij Coral maj kiajsikamati ke itanauatiluan Jiova kinextiaj ke yejuatsin kitasojta?
Akin tikinmachtiaj kinekiskej kitekitiliskej Jiova komo tikinpaleuiaj maj tamachtilis ajsi itech ininyolo.
¿Toni kiluij Rita Coral tein kipaleuij maj kinemili keniuj uelis kinextilis Jiova ke kitasojta?