TONEMILIS KEMEJ ITATOJTOKAKAUAN CRISTO
Xionmochikaua amo tikonchiuas tein amo kuali tein tikonnejneki
Kemej tinochin titajtakolejkej, nochipa moneki timochikaujtoskej amo tikchiuaskej nion tiknemiliskej tein amo kuali tein tiknejnekij. Komo ijkon tikchiuaskiaj amo kuali timouikaskiajok iuan Jiova. Kemej sekin kinejnekij kipiaskej se kuali kali, miak taman tein kikuaskej oso taken, okachi kitayekanaltiaj nejon ke kitekitiliskej Dios. Kemej oksekin kinejnekij auilnemiskej, ijkon kichiuaj uan kitapanauiliaj itanauatiluan Dios (Ro 1:26, 27). Uan oksekin kichiuaj teisa maski amo kuali yetok keman oksekin semi kiniluiaj maj kichiuakan porin kinekij maj kuali kinitakan (Éx 23:2).
¿Toni techpaleuis maj amo tiknemilikan nion maj tikchiuakan tein amo kuali tein tiknejnekij? Moneki timochikauaskej tiktayekanaltiskej tein Jiova kiyolpaktia (Mt 4:4). No moneki tiktataujtiskej Jiova maj techpaleui maj amo tikchiuakan tein amo kuali tein tiknejnekij. ¿Keyej? Porin yejuatsin kimati toni tein okachi techpaleuis uan kimati keniuj techmakas tein kuali tein tiknejnekij (Sl 145:16).
SATEPAN KE TIKONITAS VIDEO MAJ TACHICHINALIS AMO MITSIXPOLO, XIKONNANKILI NEJIN NETAJTANILMEJ:
¿Keyej seki taltikpakneminij tachichinaj?
¿Toni uelis techpanos komo titachichinaj?
¿Keyej amo kuali yetok maj se kichichina cigarro uan maj se tachichina ika tepos? (2Co 7:1).
¡Tejuatsin uelis tikonixtopeuas tachichinalis!
¿Toni uelis mitsonpaleuis amo xiontachichina oso senkis xikonkaua komo tiontachichinaya?