19-25 DE FEBRERO

SALMOS 8-10

Nekuikatil 2 uan netataujtil | Tanemililmej tein moitas (1 min.)

TAMACHTILIS TEIN KIPIA BIBLIA

1. “Nimitsueyitalis, Jehová”

(10 mins.)

Jehová tel yolkuali touan (Sl 8:3-6; w21.08 3 § 6).

Semi tikuelitaj tikueyitaliskej Jehová keman tikintapouiaj oksekin tein yejuatsin kichijchiuak (Sl 9:1; w20.05 23 § 10).

No tikueyitaliaj keman timokuikatiaj ika nochi toyolo (Sl 9:2; w22.04 7 § 13).

Taixkopimej kampa nesi kemej tikueyitaliaj Jehová: 1. Se tokniuj siuat akin xiuejya ika kinojnotsa Biblia se siuapil akin kiyekpia. 2. Tokniuan mokuikatiaj itech Kali kampa tiMosentiliaj. 3. Se okichpiltsin momaajokui para tanankilis itech nechikol. 4. Se telpoch tapaleuia keman tachipauaj itech Kali kampa tiMosentiliaj. 5. Se ichpoch ika kinojnotsa Biblia aksa akin iuan momachtia.

XIONMOTAJTANI: “¿Toni no uelis nikchiuas para nikueyitalis Jehová?”.

2. Maj tiktemokan tamachtilis ika nejmachkayot

(10 mins.)

Sl 8:3. ¿Toni kijtosnekia salmista keman ika tajtoj imajpil Dios? (it-1-S 649).

Motanankilil
¿Toni tamachtilis tikonajsik keman tikonixtajtoltij Biblia nejin semana?

Motanankilil

3. Tein moixtajtoltia itech Biblia

(4 mins.) Lu 2:1-20 (th tamachtilis 11).

MAJ OKACHI KUALI TITAMACHTIKAN

4. Xionpeua xikinnojnotsa oksekin

(3 mins.) KAJKALPAN. Akin tikonnojnotsa amo kineltoka Dios (lmd tamachtilis 5 punto 4).

5. Oksepa xikinkalpano

(4 mins.) XIONTANOJNOTSA KAMPA YESKI. Akin achto tikonnojnotska mitsoniluijka ke amo kineltoka Dios, sayoj ke kemaj kinekia kimatis toni kinextia ke yekmelauj aksa tachijchiuak (th tamachtilis 7).

6. Tanojnots

(5 mins.) w21.06 6, 7 § 15-18. Tamachtilis: Xikonpaleui akin tikonmachtia maj kiueyitali Jehová (th tamachtilis 10).

TONEMILIS KEMEJ ITATOJTOKAKAUAN CRISTO

Nekuikatil 10

7. ¿Keniuj uelis titanojnotsaskej kampa yeski kemej amo niman kimatiskej ke ika titajtojtokej Biblia?

(10 mins.) Nemachtil iniuan takakinij.

No semi tikueyitaliaj Jehová keman tikinnojnotsaj akin iniuan timoitaj mojmostaj (Sl 35:28). Xa yekinika timouiskej tikinnojnotsaskej. Sayoj ke komo timomachtiaj keniuj tipeuaskej titajtoskej uan ueli tiksentokaj tiknojnotsaj, satepan okachi kuali titanojnotsaskej uan okachi tikuelitaskej.

Se taixkopin tein nesi itech video “Toni mitsonpaleuis xiontetapoui ‘kuali tanauatilmej tein kiualkui yolseuilis’. Xikontemo tiontanojnotsas”. Kampa kinamakaj takual, se tokniuj siuat kinojnotsa se siuat akin tokotsyetok inakastan itech okse mesa.

Xikontali VIDEO Toni mitsonpaleuis xiontetapoui “kuali tanauatilmej tein kiualkui yolseuilis”. Xikontemo tiontanojnotsas. Uan xikontajtani tokniuan:

¿Keniuj nejin video mitsonmachtij okachi ueli xiontanojnotsa kampa yeski?

Motanankilil

Nikan kijtoua seki taman tein mitsonpaleuis peua xiontajto iuan aksa:

Nochipa ke tionyas okseko, xikonita akoni uelis iuan tiontajtos. Xikontajtani Jehová maj mitsonpaleui xikonajsi akin kinekis mitsonkakis.
Kuali xikonnojnotsa uan xikonnexti ke tikonneki tikonpaleuis akin tikonnojnotsa. Xikonita teisa tein mitsonpaleuis xikonmati toni tein tamachtia Biblia kiuelitaskia kikakis.
Komo tikonita ke ueli, xikonilui keniuj uelis mitsonajsis oso mitsonnotsas uan no xikontajtani keniuj uelis tikonajsis.
Amo xionmoyolkoko komo niman youi uan amo uelik ika tikonnojnotsak Biblia.
Satepan ke tikonnojnotsas aksa, xikonnemili keniuj uelis tikonpaleuis. Para kiitas ke yekmelauj tikonneki tikonpaleuis, xikontitanili tein ika uelis kiixtajtoltis se texto den Biblia oso se tamachtilis tein moajsi itech jw.org.

Xikonchiua nejin: Komo aksa mitsontajtania toni tikonchiua para tionmoixpanoltis oso kanachi konemej tikonpia, uelis tikontapouis keniuj Biblia ika tajtoua tekit oso keniuj tetatmej uelis kiniskaltiskej ininkoneuan.