4-10 DE MARZO
SALMOS 16, 17
Nekuikatil 111 uan netataujtil | Tanemililmej tein moitas (1 min.)
1. “Jehová, akin motech ualeua nochi tein kuali”
(10 mins.)
Semi techyolpaktia tikinpiaskej totasojikniuan akin no kitekitiliaj Jehová (Sl 16:2, 3; w18.12 26 § 11).
Kuali timomachiliaj keman kuali timouikaj iuan Jehová uan porin tikmatij ke tein tikchiuaj kiyolpaktia (Sl 16:5, 6; w14-S 15/2 29 § 3).
Kemej Jehová techpaleuia maj kuali iuan timouikakan, amo timouij maj teisa techuejkatili de yejuatsin (Sl 16:8, 9; w08-S 15/2 3 § 2, 3).
Ijkon kemej David, tejuan no tiyolpakij porin nochipa tiktekitiliaj Jehová, akin itech ualeua nochi tein kuali.
XIONMOTAJTANI: “¿Keniuj desde ke peuak niktekitilia Jehová nechpaleuiani maj okachi kuali ninemi?”.
2. Maj tiktemokan tamachtilis ika nejmachkayot
(10 mins.)
Sl 17:8. ¿Toni kijtosneki tajtol “moixtololo”? (it-2-S 491).
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Lu 7:36-50 (th tamachtilis 5).
4. Xionpeua xikinnojnotsa oksekin
(1 min.) KAJKALPAN. Xikontemaka amat tein ika titayoleuaj para maj touan kielnamikikan imikilis Cristo (th tamachtilis 11).
5. Xionpeua xikinnojnotsa oksekin
(3 mins.) KAJKALPAN. Xikonmaka aksa amat tein ika titayoleuaj para maj touan kielnamikikan imikilis Cristo. Satepan ke kuali mitsonkakik, xikonnextili uan ika xiontajto video Ijkuak tikelnamikij imikilis Jesús (th tamachtilis 9).
6. Xionpeua xikinnojnotsa oksekin
(2 mins.) XIONTANOJNOTSA KAMPA YESKI. Xikontemaka amat tein ika titayoleuaj para maj touan kielnamikikan imikilis Cristo (th tamachtilis 2).
7. Xikinpaleui maj kitojtokakan Cristo
Nekuikatil 20
8. Maj tikchiuakan tein moneki achto ke tikelnamikiskej imikilis Cristo
(15 mins.) Nemachtil iniuan takakinij.
Domingo 24 de marzo tikelnamikiskej imikilis Cristo ijkon kemej yejua tanauatij. Kemej Jesús toka motemakak, kinextia keniuj yejua uan Jehová semi techtasojtaj (Lu 22:19; Jn 3:16; 15:13). ¿Toni uelis tikonchiuas achto ke ejkos nejon tonal?
Xikonyoleua nochin akin tionuelis maj kikakitij tanojnots tein motemakas se semana achto uan tonal keman tikelnamikiskej imikilis Cristo. Xikonnemili akonimej tikonneki tikinyoleuas uan xikonijkuilo inintokay. Komo semej amo nemi kampa tiontanojnotsa, xikonita itech jw.org katiyejua hora uan kani mochiuas nejon ome nechikolmej kampa yejua nemi.
Okachi xiontanojnotsa itech metsti marzo uan abril. ¿Ueliskia tionmochiuas precursor auxiliar? Nejon ome metsti uelis tiontemakas 15 oso 30 horas.
Tonal 18 de marzo peua xikonixtajtolti tein panok itech semana achto ke Jesús momikiliskia. Itech página 6 uan 7 tikonitas “Tein moixtajtoltia itech Biblia keman moelnamiki imikilis Jesús xiuit 2024”, kampa kijtoua tein uelis tikonixtajtoltis. Tejuatsin uelis tikonitas katiyejua tikonixtajtoltis.
Xikonita itech jw.org tamachtilis tein mopanoltia kualkampa itech tonal keman tikelnamikij imikilis Cristo.
Itech tonal keman tikelnamikiskej imikilis Cristo, kuali xikonseli akin amo touan monechikouajok nion tanojnotsajok uan akin yekinika touan mosentiliaj. Xikonilui ke uelis mitsontajtaniskej tein amo kiajsikamatiskej den nechikol. Xikonilui kemanian uelis tikonkalpanotiuj. Ijkon tikonpaleuis maj kinekikan momachtiskej.
Achto uan satepan ke tikelnamikiskej imikilis Cristo, itech xiontanemili tein Jesús uan Jehová toka kichiujkej.
Xikontali VIDEO Ijkuak tikelnamikij imikilis Jesús. Uan xikontajtani tokniuan:
¿Keniuj uelis tikuiskej nejin video keman titayoleuaskej maj touan kielnamikikan imikilis Cristo?
9. Nemachtil ika Biblia itech nechikol
(30 mins.) bt tamachtilis 6 § 18-24 uan recuadro itech página 48.