29 DE JULIO HASTA 4 DE AGOSTO
SALMO 69
Nekuikatil 13 uan netataujtil | Tanemililmej tein moitas (1 min.)
1. Itech Salmo 69 achtook moijtoj toni kipanoskia Jesús itech inemilis
(10 mins.)
Jesús kitauelitakej maski amo onkaya keyej kitauelitaskej (Sl 69:4; Jn 15:24, 25; w11-S 15/8 11 § 17).
Jesús semi kitasojtaya ichan Jehová, tein kijtosneki, ke semi kinejnekia kiueyichiuas Dios kemej kiyolpaktia (Sl 69:9; Jn 2:13-17; w10-S 15/12 8 § 7, 8).
Jesús semi yoltajyouij, uan satepan kimakakej vino tamanelol ika xiuit tein chichik (Sl 69:20, 21; Mt 27:34; Lu 22:44; Jn 19:34; g95-S 22/10 31 § 4; it-2-S 669).
MAJ TITANEMILIKAN ITECH NEJIN: ¿Keyej Jehová achtook kitematiltij itech Escrituras Hebreas toni kipanoskia Jesús itech inemilis?
2. Maj tiktemokan tamachtilis ika nejmachkayot
(10 mins.)
Sl 69:30, 31. ¿Keniuj nejin versículos techpaleuia maj tiktemokan tikueyitaliskej Jehová keman tiktataujtiskej? (w99-S 15/1 18 § 11).
¿Toni tamachtilis tikonajsik keman tikonixtajtoltij Biblia nejin semana?
3. Tein moixtajtoltia itech Biblia
(4 mins.) Hch 6:1-15 (th tamachtilis 2).
4. Amo xionyolijsiui. Tein Jesús kichiuak
(7 mins.) Nemachtil iniuan takakinij. Xikontali VIDEO uan ompa ika xiontajto folleto Maj tikintasojtakan, tamachtilis 8 punto 1, 2.
5. Amo xionyolijsiui. Xikonchiua kemej Jesús
(8 mins.) Nemachtil iniuan takakinij tein mokixtia itech folleto Maj tikintasojtakan, tamachtilis 8 puntos 3-5 uan “No xikonita”.
Nekuikatil 134
6. Tein moneki tikchiuaskej kemej nechikol
(5 mins.)
7. Tein techpaleuis maj tikuelitakan titaueyichiuaskej kemej kalyetouanij
(10 mins.) Nemachtil iniuan takakinij.
Achto, ojpa timosentiliayaj itajkotian semana. Uan desde enero de 2009, peuak sayoj sepa timosentiliaj. ¿Keyej? Porin ijkon kalyetonij ueliskia kiixtaliskej se tiotak itech semana keman sentaueyichiuaskej. Miakej semi kitasojkamatij nejin, porin kinpaleuia maj okachi kuali mouikakan iuan Jehová uan kemej kalyetonij (Dt 6:6, 7).
Tein nikan moijtoua kinpaleuis tetatmej maj kimatikan keniuj taueyichiuaskej kemej nochin kinyolpaktis:
Nochi semanas xitaueyichiuakan. Komo ueli, xikixtalikan tonal uan hora itech semana keman nantaueyichiuaskej, uan xikixtalikan okse tonal para takan nestikisak se taman.
Achto xionmomachti tein nankiitaskej. Xikontajtani mosiuatsin, uan kemansa mokoneuan, toni kiuelitaskiaj ximosenmachtikan. Amo moneki miak tiempo xionmomachtijto tein nankiitaskej, okachiok komo yejuan kiuelitaj kichiuaskej mismo taman nochi semanas.
Ximomachtikan tein namechpaleuis kemej kalyetonij. Ijkon kemej moskaltijtiouij konemej, mopata kemej moajsij oso tein kiixnamikij. Yejua ika, moneki namomachtiskej tein nanochin namechpaleuis okachi kuali ximouikakan iuan Dios.
Xikonchiua kemej yeskia sayoj nantajtojtokej uan maj kimachilikan ke tikontasojta sejsemej. Kemansa uelis namomachtiskej kalampa komo takistok. No uelis namoseuijtiaskej komo moneki. Maski uelis ika nantajtoskej seki ouijkayomej tein nankipanouaj, amo akin xikonajua oso xikontakakilti keman namosenmachtijtokej.
No xikchiuakan okseki taman. Keman nantaueyichiuaskej, no uelis namomachtiskej se parte tein moitas itech nechikol, nankiitaskej se video itech jw.org oso namomamachtiskej keniuj nantanojnotsaskej. Maski mochia maj kalyetonij mosenmachtikan keman sentaueyichiuaj, no uelis kiixtaliskej tepitsin tiempo para maj momachtikan ininsejselti.
Xiontajtani nejin:
¿Keniuj tikontemouani tikonchiuas tein nikan moijtoua keman nantaueyichiuaj kemej kalyetonij?
8. Nemachtil ika Biblia itech nechikol
(30 mins.) bt tamachtilis 13 § 8-16 uan recuadro itech página 105.