15-21 DE SEPTIEMBRE

PROVERBIOS 31

Nekuikatil 135 uan netataujtil | Tein timomachtiskej (1 min.)

TAMACHTILIS TEIN KIPIA BIBLIA

Se temomaj uan isiuapil kualtsin monojnotstokej.

1. Toni techmachtia tein se temomaj kiluij ikoneuj

(10 mins.)

Xikonmachti mokoneuan keniuj kiita Jehová keman omen mosentekaj uan keman aksa monamiktia (Pr 31:3, 10; wp24.1 13 punto 4).

Xikonmachti mokoneuan keniuj kiita Jehová tayil tein teuintij (Pr 31:4-6; ijwhf-S artículo 4 § 11-13).

Xikonmachti mokoneuan maj kinpaleuikan oksekin ijkon kemej kichiua Jehová (Pr 31:8, 9; g19.2 7 § 6-9).

2. Maj tiktemokan tamachtilis ika nejmachkayot

(10 mins.)

Pr 31:28. ¿Keyej takat moneki kiluis isiuatsin ke kitasojkamatilia nochi tein kichiua? (w25.01 13 § 16).

Motanankilil
¿Toni tamachtilis tikonajsik keman tikonleroj Biblia nejin semana?

Motanankilil

3. Tein tiklerouaj de Biblia

(4 mins.) Mt 6:1-18 (th tamachtilis 10).

MAJ OKACHI KUALI TITAMACHTIKAN

4. Xionpeua xikinnojnotsa oksekin

(3 mins.) XIONTANOJNOTSA KAMPA YESKI. Peua xikonnojnotsa aksa satepan ke kichiuak oso kijtoj teisa tein kuali (lmd tamachtilis 5 punto 3).

5. Xionpeua xikinnojnotsa oksekin

(4 mins.) KAJKALPAN. Xikonkui semej “Tamachtilismej tein kipia Biblia tein tikuelitaj ika titajtoskej”, tein yetok itech tamajsikayot 1 den folleto Maj tikintasojtakan (lmd tamachtilis 1 punto 4).

6. Oksepa xikinkalpano

(5 mins.) KAJKALPAN. Xikonyoleua akin kiselij amaix Tanejmachtijkej 2025 tapoual 1 maj kikakiti se kualtsin tanojnots tein amo uejkaua motemakas (lmd tamachtilis 7 punto 4).

TONEMILIS KEMEJ ITATOJTOKAKAUAN CRISTO

Nekuikatil 121

7. Xikonpaleui mokoneuan maj kuali kiixejekokan keniuj kikuiskej tableta, celular, computadora oso televisión

(8 mins.) Nemachtil iniuan takakinij.

¿Tikonitani keniuj se okichpil kikui se tableta oso se celular? Majya amo ouij kinkisa kitekitiltiskej. Miakpa amo moneki se kinpaleuis para maj ueli kikuikan, sayoj ke nochipa moneki maj se kinpaleui para maj kikuikan kemej moneki. Komo tikonpia mokoneuan, ¿keniuj uelis tikinpaleuis para maj kikuikan kemej moneki?

Se taixkopin tein kipia video “Kuali xikui motiempo”. Sofía moseuijtok atenoj. Kemej kiitstok itableta, amo kiita ke se delfín mauiltijtok ika se pelota.

Xikontali VIDEO Kuali xikui motiempo. Uan xikontajtani tokniuan:

¿Keyej moneki maj tikixtalikan kanachi tiempo tikuiskej tableta, celular, computadora oso tikitaskej televisión?

Motanankilil
¿Para toni no moneki tikuiskej totiempo?

Motanankilil

Keman tikonixtalis toni uelis kichiuaskej mokoneuan, xionmoixyekana ika tein kijtoua Biblia, uan amo sayoj xikonchiua tein tikonitas ke kichiuaj okseki tetatmej (Gál 6:5). Uelis tionmotajtanis:

¿Kinextia nokoneuj ke kuali taixejekoua? ¿Ueli kikaua nocelular oso notableta para kichiuas okseki taman uan kuali kikuis itiempo? ¿No ijkon kichiuas komo nikouilia se? (1Co 9:25).
¿Nikauaskia maj kikui celular oso tableta keman amo nikitstos? (Pr 18:1).
¿Toni nikauas maj kiita itech celular oso tableta uan toni amo? (Ef 5:3-5; Flp 4:8, 9).
Komo nikneki maj nokoneuj moixpetani ika okseki taman oso maj kichiua okseki taman tein moneki, ¿kanachi tiempo moneki nikauas maj kikui celular oso tableta? (Ec 3:1).