Jesús ‘kimatik keniuj tatakamatis’

Jesús nochipa kitakamatik Jehová (Juan 8:29). Komo ijkon, ¿keyej Biblia kijtoua ke “tein kijyouij kipaleuij maj kimati keniuj tatakamatis”? (Heb. 5:8).

Keman Jesús yetoya nikan taltikpak kipanok miak taman tein amo kuali, tein amo keman kipanok ne iluikak. Itatuan kitasojtayaj Jehová sayoj ke katkaj tajtakolejkej, maski ijkon monekik kintakamatis (Luc. 2:51). Uan no, taxikoj keman taixyekananij itech taneltokalismej uan tekiuanij kitajyouiltijkej (Mat. 26:59; Mar. 15:15). No semi tajyouij keman kimiktijkej. Biblia kijtoua: “Kikauak ueyi tanauatil tein kipiaya uan tatakamatik hasta keman momikilij” (Filip. 2:8).

Tein Jesús kipanok keman yetoya nikan taltikpak ayamo keman kipanotoya, sayoj ke nochi nejon kimachtij maj tatakamati. Nejon kipaleuij maj mochiua se tekiuaj uan tayekankatiopixkat akin kuali techajsikamati (Heb. 4:15; 5:9). Kemej Jesús momachtij tatakamatis ika tein kijyouij, Jehová okachi kipatiuitak uan kimakak okseki tekimej. Tejuan no uelis ijkon techitas Jehová uan techmakas okachi tekimej komo tiktakamatij maski titajyouiskej (Sant. 1:4).