¿Keyej itaixpantijkauan Jiova amo kikuij kolotsin?

Miakej, kolotsin kitaliaj kemej se taman tein kiixnextia ke taneltokaj itech Cristo. Sayoj ke maski tiitaixpantijkauan Jiova titaneltoka itech Cristo, amo tikuij kolotsin nion tikueyichiuaj. ¿Keyej?

Yekinika, porin Biblia amo kijtoua maj Jesús momikiliani itech se kolotsin, ta itech se kouit tein euitikatsyetoya. Uan no akin kichiuaj kemej Cristo kinnauatiaj: “Ximosekokauakan uan ximochololtikan de ne tatadiosme”. Uan keman mokui kolotsin itech taueyichiualis kiixnextia ke kiueyichiujtokej tiotsitsin tein amo melaujkej (1 Corintios 10:14; 1 Juan 5:​21).

Uan no, Jesús tamachtij toni kinixnextiskia akin kichiuaj kemej Cristo keman kijtoj: “Komo namejuan nanmoyoltasojtatinemij, ijkuakon nochi in taltikpakuani kajsikamatiske ke melau nannomomachtijkauan” (Juan 13:34, 35). Kemej tikitaj, tein yekmelauj kinixnextia akin kichiuaj kemej Cristo amo kolotsin uan nion okse taman, ta yejua yekmelauj netasojtalis tein kinpialiaj oksekin.