¿Protestantes itaixpantijkauan Jiova?
Amo. Tiitaixpantijkauan Jiova tiktojtokaj Cristo, uan taneltokalis kampa tipouij amo protestante.
Miakej kimatij ke taneltokalismej tein moixmatij kemej protestantes yejuan tein amo kiseliaj tein tamachtia Iglesia Católica Romana. Uan maski melauak ke tiitaixpantijkauan Jiova amo no tikseliaj miak taman tein tamachtia Iglesia Católica, amo tiprotestantes. Maj tikitakan keyej:
Miak taman tein tamachtiaj protestantes kiixnamiki tein yekmelauj tamachtia Biblia. Kemej neskayot, Biblia amo kijtoua ke Dios se Trinidad, ta kijtoua ke “ongak se san Dios” (1 Timoteo 2:5; Juan 14:28). Biblia amo no tamachtia ke Dios kintatsakuiltia akin amo yolkualmej itech se miktan nochipaya, ta kijtoua ke senkis kinixpolos (Salmo 37:9; 2 Tesalonicenses 1:9).
Amo tiktemouaj tikpataskej Iglesia Católica nion okse taneltokalis. Tiknekij tikteixmatiltiskej tein kichiuati itaixyekanalis Dios uan titayolchikauaskej maj kineltokakan nejon (Mateo 24:14; 28:19, 20). Amo tiktemouaj tikpataskej nion se taneltokalis, ta tiknekij tikinnextiliskej akin techkakiskej akoni yekmelauj Dios uan tein tamachtia Biblia (Colosenses 1:9, 10; 2 Timoteo 2:24, 25).