Uelis tikonpias tamatilis
“Nochi in Tajkuilolamatsitsin nochi yejuan Dios kichiuak” (2 Timoteo 3:16). Keman nikan moijtoua ke kichiuak, kijtosneki ke Dios Akin kipia nochi chikaualis kitalij itanemililuan itech inintanemilil akin kijkuilojkej Biblia.
Dios kineki maj itamatilis mitsonpaleui
“Nejua, Jiova, [...] Akin mitsmachtia tein tejua mitspaleuis, Akin mitsixyekana itech ojti kampa moneki tinejnemis. ¡Komo tiktakamati notanauatiluan! Tiyolseujtos kemej ueyiat, uan momelaujkayo yeski kemej olas itech ueyiat” (ISAÍAS 48:17, 18).
Xikonita nejin tajtolmej kemej yeskia Dios mitsoniluijtok tejuatsin. Yejuatsin kineki xionyolseujto uan xionyolpaki nochipaya uan uelis mitsonpaleuis ijkon xionnemi.
Uelis tikonpias itamatilis Dios
“Moneki ma mojmoyaua in kuali Tajtoltsin de Dios nonouiyan nochi tech senmanauak” (MARCOS 13:10).
Nejin kuali tanauatilmej kijtouaj ke Jiova kichiuas maj amo onkaok tajyouilis, maj taltikpak mochiua se xochital uan maj oksepa nemikan tochankauan uan akin kuali iniuan timouikayaj akin momikilijkejya. Itaixpantijkauan Jiova kiteixmatiltijtokej tein kijtoua Biblia noyampa taltikpak.