Dios kijtoua ke amo ixpoliuis taltikpak

Ijkon kijtojkej seki uejueyi tatemouanij keman kiitakej keyej tel tona oso tel kioui. Komo tejuatsin tikonneltoka ke nemi se Dios akin tachijchiuak uan akin kitekipachoua tein techpanoua, tein kijtojkej nejon tatemouanij xa mitsonelnamiktia ke Dios kichijchiuak taltikpak kemej uelis iselti moyektalis oso moyankuilis.

Maski ijkon chijchiujtok taltikpak, moitstok ke amo ueliok iselti moyankuilia porin miakej kijtakojtokej. ¿Keyej ueli tikneltokaj ke Dios kichiuas teisa para amo kisentokas moijtakos taltikpak uan ijkon uelis se kisentokas se nemis?

Nejin tajkuilolmej tein kipia Biblia, kiixnextia ke taltikpak amo ixpoliuis uan nochipa uelis se nemis ompa.

• Dios kichijchiuak taltikpak. “Keman peuak nochi, Dios kichijchiuak iluikak uan taltikpak” (Génesis 1:1).

• Dios iaxka taltikpak. “Jehováa iaxka taltikpak uan nochi tein onkak ompa” (Salmo 24:1).

• Dios kichijchiuak taltikpak kemej amo keman ixpoliuis. “Yejua kitalij taltikpak kampa yetok; amo keman kiajchiuaskej” (Salmo 104:5).

• Dios kijtoua ke nochipa uelis se nemis itech taltikpak. “Dios akin melauak, akin kichijchiuak taltikpak, […] akin amo nenkaj kichijchiuak, ta kichijchiuak para maj ompa nemikan” (Isaías 45:18).

• Dios kijtoua ke amo ajsis se tonal keman amo akinok nemis nikan taltikpak. “Akin yolmelaujkej ininaxkatis taltikpak uan ompa nemiskej nochipaya” (Salmo 37:29).

Dios kichijchiuak taltikpak kemej uelis iselti mochipauas tein mopitsotilia komo tejuan kuali tikuij tein kichijchiuak. Tein kijtoua Biblia kinextia ke Jehová kiixtalijya kemanian kinixpolos akin kijtakojtokej taltikpak porin kiixnekij tomin (Apocalipsis 11:18).

Biblia kijtoua ke keman panos nejin, Dios kichiuas maj oksepa kuali yeto taltikpak, kiitas maj mochiua se xochital uan ijkon “kimakas tein kineki nochi tein yoltok” (Salmo 145:16).