Tanojnots 2
Se xochital tel kualtsin
¡XIKITA Taltikpak! ¡Tel takualtsinkan nochi! Xikita xiuit, kuoujmej, xochimej uan nochin tapialmej. ¿Tikita kani yetokej tekuanimej uan elefantes?
¿Akoni kichijchiuak nejin xochital tel kualtsin? Tikitatij keniuj Dios techyekchijchiuilij Taltikpak.
Yekinika, kichijchiuak xiuit maj kixtsakua tal. No kichijchiuak miak tataman xiujtsitsin, xochimej uan kuoujmej. Nochi tein moskaltia kikualnextia Taltikpak. Uan amo sayoj nejon, ta miak techmakaj takual tein uelik.
Satepan Dios kinchijchiuak amichimej maj nemikan itech at uan totomej maj patanikan. No kinchijchiuak itskuimej, mistomej uan caballos; tapialmej uejueykej uan tsikitsitsin. ¿Nemij tapialmej ompakauin kampa tinemi? ¡Ika nochi tein Dios techchijchiuilij kinextij ika tel yolkuali!
Ika matamik, Dios kichijchiuak sentayoual tal tein katka tel taman, uan kitokaytij xochital itech Edén. Amo teyi poliuia. Nochi tel takualtsinkan katka. Dios kinekia maj mochiuani semanauak Taltikpak kemej nejin xochital tel kualtsin tein kichijchiujka.
Sayoj ika, oksepa xikita taixkopin. ¿Tikmati toni kiitak Dios ika poliuia itech nejin xochital? Tikitatij.