¿Toni moneki tikchiuas tejuatsin?
50 ¿Tiknekiskia tinemis nochipaya itech yon kualtsin xochital?
Moneki ximomachti okachi tein Dios kijtoua. Yejika moneki ximomachti xikixtajtolti Biblia (Juan 17:3; Apocalipsis 1:3).
51 Ximomachti okachi den Jesus (Deuteronomio 18:18, 19; Juan 3:16; Hechos 3:19-23).
52 Ximoyolchikaua sayoj tikchiuas tein kuali uan tiktakamatis Jiova (Romanos 6:17, 18, 22).
53 Xikelnamiki, Jiova kijtoua ke amo kipia ke titemiktiskej (Éxodo 20:13; 1 Juan 3:11, 12).
54 Amo kipia ke tikinkuiliskej oksekin teisa tein iminaxka (Éxodo 20:15; Efesios 4:28).
55 Niose takat kipia ke yetos iuan se siuat, niono kipia ke motekas iuan komojkon amo inamik (Éxodo 20:14, 17; 1 Tesalonicenses 4:3).
56 ¿Tikelnamiki kanachi siuamej kikaua Dios maj kipia se takat? ¿Kanachi xiuit kipia ke mokauas se takat iuan inamik? (Génesis 2:22, 24; Mateo 19:5, 6; 1 Corintios 7:2, 10, 11.)
57 No xikelnamiki ke sayoj Jiova kipia ke tikueyichiuaskej (Mateo 4:10; 1 Corintios 8:6).
58 Tiotsitsin amo uelis tech paleuiskej. ¿Keyej? (1 Corintios 8:4.)
¿Kuali maj se kinpia tiotsitsin? (Deuteronomio 27:15; 1 Juan 5:21.)
59 ¿Keyej kan kuali maj se kikui teisa tein taltikpakuanij moluiaj ke kipia chikaualis tein uelis tech paleuis oso tein uelis tech uejuelos? (Deuteronomio 18:10-13; Apocalipsis 21:8.)
60 Nejin amokuali ejekamej kinekepilijkej Jiova. Kitekitiltiaj adivinos uan ijkon kinkajkayauaj taltikpakuanij (Hechos 16:16).
61 Kipia ke timotatataujtiliskej iuan Jiova. Netataujtilis kijtosneki se tajtos iuan Dios, ompa tikiluiskej ke tiknekij tiktekitiliskej uan tiktajtaniliskej inepaleuil (Filipenses 4:6, 7).
62 Kipia ke tiktakamatiskej Jesus uan tikpialiskej takuaujtamatilis (Hebreos 5:9; Juan 3:16).
63 Xikelnamiki ke imikilis tech makixtia (Romanos 5:8).
64 Xikelnamiki ke Jesus yejua to Ueyi Tekiuaj tein amo ueli tikitaj. Kipia ke tiktakamatiskej (Filipenses 2:9-11; Apocalipsis 19:16).
65 Jesus kijtoj ke tejuatsin kipia ke tikintapouis oksekin uan tikiniluis nochi kuali tachiualismej tein tikajsikamattok, uan tein kinekij kitekitiliskej Jiova kipia ke moauiskej (Mateo 28:19, 20; Juan 4:7-15).
66 Yejika tejuatsin uelis tikintapouis motasojikniuan nochi nejin kuali tachiualismej (Mateo 10:32).
67 Komojkon tejuatsin timomachtia titaixtajtoltis kuali, tikajsikamatis miak tachiualismej uan uelis tikinpaleuis oksekin okachi kuali (2 Timoteo 2:15).
68 Jesus no kinimachtij pipiltsitsin maj kitakamatikan Dios. Amo keman tel kan kemantia ijkuak kininojnotsaya (Mateo 19:13-15).
69 Tetatmej nochipa kipia ke kinimachtiskej imin pipiluan maj kitakamatikan Dios uan maj kitasojtakan (Deuteronomio 6:6, 7; Proverbios 6:20-22; Efesios 6:4).
70 Onkak miak tataman tiopamej. Miak imin tamachtilis amo ixnesi itech Biblia. Jiova techiluia maj tikisakan den taneltokalismej tein amo tamachtiaj tein neli (Apocalipsis 18:4; Juan 4:23, 24).
71 Nikan Taltikpak Jiova kinpia taltikpakuanij tein uelis mits machtiskej okachi. ¿Tikmattok akonimej? (Hechos 15:14; Romanos 10:14, 15.)
72 Itestigojuan Jiova. Yejuan moyekuikaj nochin. ¿Tikmati keyej? Porin motasojtaj se iuan okse (Isaías 43:10-12; Juan 13:34, 35).
73 Uan kemej no kitasojtaj Jiova, yejika moauiaj. Ijkon kinextiaj sentaixpan ke kikaujkejya imin nemilis tein kan kuali uan yekintsi kinejnekij kitekitilijtoskej Dios nochi imin nemilis (Hechos 2:41).
74 Itestigojuan Jiova kichiaj nemiskej itech se kualtsin yankuik xochital (Salmo 37:9-11, 29).
¿Toni uelis tikchiuas tejuatsin uan ijkon uelis tinemis ompa imiuan? (Santiago 1:22, 25; 2:20-26.)
75 Imiuan ximomachti tiktekitilis Jiova. Yejuan kitasojtaj uan kitakamatij Jiova uan Kristo Jesus. ¿Tikintasojta tejuatsin? ¿Tiknekiskia tejuatsin tikinpaleuis oksekin maj no kixmatikan Dios? (Juan 6:45-47.)
76 Jiova uan Kristo Jesus mits tasojtaj uan kinejnekij ke tejuatsin xinemi nochipaya itech xochital (Juan 3:16).
Tein tejuatsin tikajsikamatik ika nejin ixneskayomej uan nemachtil tein kipia nejin amaixtajkuilol, yekneli mits makak tanejnekilis tiyolpakis se nemilis nochipaya nikan Taltikpak. Komojkon tejuatsin tikneki tikyekajsikamatis okachi, xiknojnotsa se itestigo Jiova tein achka nemi. No uelis titajkuilos tejuatsin, oso aksa maj mits tajkuilouili kampa iTestigojuan Jiova itech semej den ueyi altepemej tein ixnesi itech itapoual ome de nejin amaixtajkuilol.