¡Xiksentoka xitakuaujtamati itech itatiochiualisuan Dios!

1. Tein amo tachia pajtis,

no akin amo takaki,

uan koxoj ajkotsikuinis,

amo akinok momikilis.

Kampa tauaktok taselias

uan kampa yeski meyas at.

Komo titakuaujtamati

tikselis tatiochiualis.

2. Tajtos tein amo tajtoua,

amo akin ueuentsintias;

mikemej no moajokuiskej,

uan noyampa yolpakiskej.

Konemej mokuikatiskej;

tein kuali nochin kipiaskej.

Komo titakuaujtamati

tikselis tatiochiualis.

3. Ichkat uan tepeitskuinti

iuan takuaskej tekuani;

se konetsin kinyekanas

uan kikakiskej nochipa.

Amo akin tayokoyasok,

nion tajyouis, nion mouisok.

Komo titakuaujtamati

tikselis tatiochiualis.