TAXELOL 4

¿Toni panok keman kitajtolkakkej Satanás?

Adán uan Eva momikilijkej porin amo kitakamatkej Dios (Génesis 3:6, 23)

Eva kikua takilot tein kiluijkaj maj amo kikua uan satepan kimaka Adán

Eva kitajtolkakik nejon kouat uan kikuaj takilot tein kiiluijkaj maj amo kikuani. Satepan no kimakak Adán uan yejua no kikuaj.

Adán uan Eva kistokej itech Xochital kampa nemiaj

Amo kuali tein kichiujkej: katka se tajtakol. Dios kinkixtij Adán uan Eva itech nejon xochital.

Adán uan Eva ueuentsintiaj uan momikiliaj

Yejuan peujkej tajyouiaj uan no ijkon imin koneuan. Satepan ueuentsintiakej uan momikilijkej. Amo yajkej iluikak niono okseko ta sayoj amo nemiajok.

Mikemej mokepaj talnex uan amo uelijok kichiuaj nion teyi (Génesis 3:19)

Taltikpakneminij akin seseko kayomej akin nenkej itech tataman xiujmej

Tinochin tiualeuaj itech Adán uan Eva yejika no timomikiliaj. Mikemej amo tachiaj, amo takakij niono ueli kichiuaj teisa (Juan 11:11-14).

Momikilij se ichpoch uan ikalyetouanij kichokiliaj

Jiova amo kinekia maj taltikpakneminij momikilikan. Amo uejkaua oksepa kichiuas maj nemikan tein momikilijkejya, uan komo kitakamatij amo momikiliskejok. Yejuan nemiskej nochipaya.