TAXELOL 8

¿Keyej momikilij Jesús?

Kemej Jesús motemakak, axkan tejuan uelis tinemiskej nochipaya (Juan 3:16)

Seki siuamej naltachiaj kampa kipachojkaj Jesús akin amo ompa yetokok

Eyi tonal satepan ke momikilij Jesús, seki siuamej yajkej kampa kitalijkaj uan amo ompa yetoyaok. Jiova oksepa kimakak nemilis.

Jesús monextia ininixpan itatitaniluan uan satepan pankisa iluikak

Satepan Jesús monextij iuan itasojikniuan tein katkaj itatitaniluan.

Keman oksepa kipiak nemilis, amo kipiayaok nakat uan omit. Dios kimakak nemilis kemej se espíritu oso se ángel. Imomachtijkauan kiitakej keman yajki iluikak. Axkan yejua se espíritu tel chikauak tein amo keman momikilis.

Dios kiajokuik Jesús uan kimakak taixyekanalis itech iTekiuajyo (Daniel 7:13, 14)

Kampa taixyekana itech iTekiuajyo, Jesús kinixyekana taltikpakneminij itech se xochital nikan taltikpak

Ika inemilis Jesús tein kitemakak, ueli kinkixtilia taltikpakneminij tajtakol uan mikilis (Mateo 20:28). Nejon tapaleuia maj Dios ueli kichiua maj tikpiakan nemilis nochipaya.

Ne iluikak, Jiova kiixpejpenak Jesús maj tekiuajti nikan taltikpak. Sayoj ke amo tekiuajtis iselti. Iuan yetoskej 144,000 taltikpakneminij tatakamatinij tein nemiskej iluikak keman moajokuiskej. Nejon yejua iTekiuajyo Dios tein tekitis ika melaujkayot (Apocalipsis [Revelación] 14:1-3).

Nejon Tekiuajyot kichiuas maj nochi taltikpak mochiua se xochital. Amo onkasok neteuilismej, tein amo yolkualmej, tatasojtilis niono mayanti. Nochin tel yolpakiskej (Salmo 145:16).