TAMACHTILIS 8
Abrahán uan Sara kitakamatij Dios
Amo uejka itech altepet Babel moajsia okse altepet, tein motokaytiaya Ur. Akin ompa nemiaj amo kiueyichiuayaj Jiova, ta kinueyichiuayaj miakej tiotsitsin. Sayoj ke moajsia se takat ompa Ur akin kemaj kiueyichiuaya Jiova. Itokay katka Abrahán.
Jiova kiluij Abrahán: “Xikaua mochan uan mochankauan, uan xiyouj itech xolal tein nejua nimitsnextiliti”. Ompa, Dios motenkauak iuan: “Timochiuas se ueyi altepet. Uan motechkopa nikinmakas tein kuali nochin taltikpakneminij”.
Abrahán amo kimatia kani kinekia kititanis Jiova, sayoj ke iuan takuaujtamatia. Abrahán; inamik, Sara; ipopaj, Taré, uan isobrino, Lot, kitakamatkej Dios. Motakuijkuilijkej uan peuak ojtokaj.
Abrahán kipiaya 75 xiujmej keman yejua uan ichankauan ajsikej itech tal tein Jiova kinekia maj kiitanij. Motokaytiaya Canaán. Ompa, Jiova motenkauak iuan: “Nochi nejin tal tein tikita, nikinmakati mokoneuan”. Sayoj ke Abrahán uan Sara xiuejkejya katkaj uan amo kinpiayaj konemej. Komo ijkon, ¿keniuj Jiova kichiuaskia tein motenkaujka?
“Abraham takuautamatik iuan Dios. Uan [...] kitakamatik Totajtsin Dios uan kisteuak kampa ipapajuan uan yajke ajsito kampa talme ten Dios moyektenkauak ke kimaktilis. Uan [...] amo kimatik kan youi.” (Hebreos 11:8)