Tein ika tajtoua taxelol 7

Itech nejin taxelol ika motajtoua tekiuaj Saúl uan tekiuaj David, uan sennochiya uejkaua kemej 80 xiujmej. Yekinika, Saúl katka yolyemanik uan kitakamatia Dios. Sayoj ke tepitsin satepan mopatak uan kiixtopeuak itaixyekanalis Jiova. Satepan, Jiova no kiixtopeuak, uan kinauatij Samuel maj kiixpejpenani David maj yeskia yankuik tekiuaj itech xolal Israel. Saúl kinexikoluiaya David uan miakpa kitemoj kimiktis. Maski ijkon, David amo keman momakepak. Jonatán, ikoneuj Saúl, kimatia ke Jiova kiixpejpenka David, yejua ika nochipa kipaleuij. Maski David satepan kichiuak seki uejueyi tajtakolmej, nochipa kikakik Jiova keman kimelauak. Komo tikonpia konemej, xikonpaleui maj kiitakan ke motelneki se kitakamatis Dios keman teisa kiixtalia.