Tein ika tajtoua taxelol 11

Itech nejin taxelol peuas tikixtajtoltiskej tein moajsi itech Escrituras Griegas Cristianas. Tikitaskej ke itatuan Jesús amo semi kipiayaj tomin uan nemiaj itech se xolalkonet, uan tekitik iuan ipopaj, akin katka koujxijxinkej. Jesús yeskia Temakixtijkej. Jiova kiixpejpenak maj mochiua Tekiuaj itech iTekiuajyo ompa iluikak. Komo tejuatsin tikonpia konemej, xikonpaleui maj kiajsikamatikan ke Jiova ika nejmachkayot kiixpejpenak akonimej yeskiaj itatuan Jesús akin kuali kiiskaltiskiaj. Xikonmelauili ke Jiova kimatampauij Jesús keman Herodes kinekik kimiktis. Amo teyi uelis kitsakuilis maj mochiua tein Jiova kiixtalijtok. Xikonmachti ke Jiova kiixpejpenak Juan maj kiteixmatiltiani ke Mesías amo uejkaua ualaskia. Xikonmelaua keniuj Jesús, maski katka nojnelok, kinextij ke kitasojtaya itamatilis Jiova uan takuaujtamatia iuan, uan amo itech itamatilis.