ITajtol Dios semi kipia ipatiuj

1. Jiova toTajtsin techmakak iTajtol,

se tel kuali netetayokolil.

Techpaleuia uan techyolseuia;

kichiua maj tikchiakan tein kuali.

Itamatilis akin techchijchiuak

senkis tikajsij itech iTajtol.

ToTajtsin kinixpejpenak takamej

maj kijkuilokan tein kinemilia.

2. Biblia kijtoua keniuj yekinika

Dios kichijchiuak nochi tein onkak.

No kinextia keniuj taixnamikik

se ángel akin moueyinekik;

Adán uan Eva no taixnamikkej,

toTajtsin amo kitakamatkej;

axkan tinochin titajtakouanij,

sayoj ke Dios senkis techmakixtis.

3. Axkan Jesús mochiuakya tekiuaj,

nejon se taman tein techyolpaktia.

Ika pakilis tiktematiltiaj

nochi tein kuali tein Dios kiualkuis.

ITajtol se ueyi tatiochiualis;

Jiova iyolseuilis tikseliaj.

Komo mojmostaj tikixtajtoltiaj

kichiuas maj titelyolpakikan.