TAMACHTILIS 1

Kuali xikonpeualti motamachtilis

Hechos 17:22

TEIN MONEKI TIKONCHIUAS: Tein tikonijtos keman peuas tiontajtos moneki teyolnotsas, kinextis toni tiontamachtiti uan keyej monekiskia kikakiskej tamachtilis.

KENIUJ TIKONCHIUAS:

Xikonchiua maj kinyolnotsa. Xikonixpejpena se netajtanil, se neskayot tein yekmelauj panok, se tanauatil oso xikonijto teisa tein kinyolnotsas akin mitsonkakij.

Achto kuali xikonnemili toni kinyolnotsa oso kintekipachoua akin mitsonkaktokej uan satepan ika nejon xionpeua xiontajto.
Kuali xikonnexti toni ika tiontajtoti. Kuali xikonita maj tein yekinika tikonijtos senkis kinexti toni tiontamachtiti uan toni tikonneki maj kiajsikamatikan akin mitsonkakij.
Xikonnexti keyej moneki nejon tamachtilis. Xiontamachti kemej kinpaleuis akin mitsonkakij. Yejuan moneki kuali kiajsikamatiskej ke tamachtilis uelis kinpaleuis.

Keman tionmomachtijtos se tanojnots, xionmotajtani: “¿Toni ouijkayomej kiixnamikij tokniuan itech nonechikol?”. Uan satepan, ika nejon xikonita keniuj tikonpeualtis motamachtilis.