TAMACHTILIS 19
¿Yekmelauj kichiuaj kemej Cristo itaixpantijkauan Jiova?
Tiitaixpantijkauan Jiova tikneltokaj ke tikchiuaj kemej Cristo. ¿Keyej? Maj tikitakan kani mokixtia tein tikneltokaj, tokayit tein ika techixmatij, uan keniuj semi timotasojtaj.
1. ¿Kani mokixtia tein kineltokaj itaixpantijkauan Jiova?
Jesús kiluij Dios: “Mojtajtolis yejua ne yek melau tajtolis” (Juan 17:17). Tiitaixpantijkauan Jiova no tikchiuaj kemej Jesús, porin nochipa mokixtia tein tikneltokaj itech iTajtol Dios. Xikonita tein yekinika peuak kichiuaj itaixpantijkauan Jiova. Kemej itech xiuit 1870, sekin akin momachtiayaj Biblia peuak okachi kuali momachtiaj iTajtol Dios. Yejuan peuak kineltokaj tein Biblia tamachtia, maski okseki taneltokalismej tamachtiayaj okseki taman yejuan peuak kiniluiaj oksekin tein kiajsikaj itech Biblia.a
2. ¿Keyej timotokaytiaj tiitaixpantijkauan Jiova?
Jiova kijtoua ke itaixpantijkauan akin kiueyichiuaj porin kiteixmatiltiaj akoni yejuatsin (Hebreos 11:4–12:1). Ne uejkauj Jiova kiniluij itekitikauan: “Namejuan nannotaixpantijkauan” (xikonita Isaías 43:10). Uan Jesús yejua “kitetapouijtinemi [...] yek melau tamachilis” (Apocalipsis 1:5). Yejua ika, itech xiuit 1931 moixtalij tokayit itaixpantijkauan Jiova. Uan semi tiyolpakij porin ijkon timoixmatij.
3. ¿Keniuj itaixpantijkauan Jiova tetasojtaj ijkon kemej Jesús kichiuak?
Jesús semi kintasojtaya imomachtijkauan uan kinitaya kemej yeskia ichankauan (xikonita Marcos 3:35). Tiitaixpantijkauan Jiova amo tixexeliujtokej, ta timoitaj kemej se kalyetouanij itech nochi taltikpak. Yejua ika tinochin timoitaj kemej iknimej (Filemón 1, 2). Uan no tiktakamatij nejin tanauatil: “Xikintasojtakan nochi in tokniuan taneltokani” (1 Pedro 2:17). Tiitaixpantijkauan Jiova tiknextiaj ke timotasojtaj ika miak taman uan okachiok keman tokniuan itech nochi taltikpak kipanouaj ouijkayomej.
MAJ OKACHI TIMOMACHTIKAN
Maj okachi tikinixmatikan itaixpantijkauan Jiova uan maj tikitakan keyej tejuan yekmelauj tikchiuaj kemej Cristo.
Tein kineltokaj itaixpantijkauan Jiova mokixtia itech Biblia uan ika kinnojnotsaj oksekin.
4. Tikneltokaj tein moajsi itech Biblia
Jiova achtook kijtojka ke okachi momelauaskia tein yekmelauj tamachtia Biblia. Xikitakan Daniel 12:4 uan ika xitajtokan nejin:
¿Toni okachi kimatiskiaj itaixpantijkauan Jiova ijkon kemej momachtijtiaskiaj Biblia?
Xikonita keniuj sekin peuak kuali momachtiaj Biblia, semej yejua Charles Russell. Xikitakan VIDEO uan ika xitajtokan nejin:
Ijkon kemej nesi itech video, ¿keniuj momachtiayaj iTajtol Dios Charles Russell uan oksekin?
¿Tikonmatia?
Kemansa monekini tikpataskej tein tikneltokaj, ¿keyej? Porin Dios yolik techmatiltijtiuj tein kijtosneki iTajtol, ijkon kemej keman tanestiuj ueli yolik tikitaj kampa takualtsinkan (xikitakan Proverbios 4:18). Sayoj ke maski Biblia amo mopata, keman okachi tikmatij tein kijtoua tikyankuiliaj tein tikneltokaj.
5. Tikteixmatiltiaj akoni yekmelauj Jiova
¿Keyej moixtalij maj timotokaytikan itaixpantijkauan Jiova? Xikitakan VIDEO uan ika xitajtokan nejin:
¿Keyej kinamiki maj timotokaytikan itaixpantijkauan Jiova?
¿Keyej Jiova kinpia itaixpantijkauan? Yejuan kiteixmatiltiaj akoni yekmelauj yejuatsin porin semi kitakajkayauilianij. Maj tikitakan keniuj kichiuanij.
Miak taneltokalismej tamachtiaj ke moneki tikuiskej tiotsitsin para tikueyichiuaskej Dios. Sayoj ke, ¿yekmelauj monekij? Xikitakan Levítico 26:1 uan ika xitajtokan nejin:
Kemej tikitaj itech nejin versículo, ¿keniuj kiita Jiova maj tikuikan tiotsitsin?
Seki taneltokalismej tamachtiaj ke Jesús yejua Dios. Sayoj ke, ¿yekmelauj nejon? Xikitakan Juan 20:17 uan ika xitajtokan nejin:
Kemej tikitaj itech nejin versículo, ¿Jiova uan Jesús sayoj se?
¿Keniuj tikonita maj Jiova kinnauati itaixpantijkauan maj tamachtikan akoni yejuatsin uan akoni Jesús?
6. Timotasojtaj se uan okse
Biblia kijtoua ke akin kichiuaj kemej Cristo sentekitij ijkon kemej tonakayo sentekiti. Xikitakan 1 Corintios 12:25, 26 uan ika xitajtokan nejin:
¿Toni moneki kichiuaskej akin yekmelauj kichiuaj kemej Cristo keman ininikniuan tajyouiaj?
¿Keniuj tikonitani ke motasojtaj itaixpantijkauan Jiova?
Keman seki itaixpantijkauan Jiova tajyouiaj, oksekin niman kinpaleuiaj. Xikitakan tein mochiuak ompa Haití, Xikitakan VIDEO. Uan ika xitajtokan nejin:
Keman itaixpantijkauan Jiova mosenpaleuiaj keman panoua se tetsauit, ¿tikonnemilia ke kinextiaj ke motasojtaj? ¿Keyej?
Akin yekmelauj kichiuaj kemej Cristo kinextiaj ke kintasojtaj akin moneki maj kinpaleuikan.
TEIN SEKIN KIJTOUAJ: “Itaixpantijkauan Jiova se taneltokalis yankuik”.
¿Kemanian Jiova peuak kintokaytia “itaixpantijkauan” akin kiueyichiuaj?
TEIN TIKITAKEJ
Itaixpantijkauan Jiova yekmelauj kichiuaj kemej Cristo. Itech nochi taltikpak timoitaj kemej iknimej uan tiksenueyichiuaj Dios, mokixtia itech Biblia tein tikneltokaj uan tikteixmatiltiaj akoni yekmelauj Jiova.
Maj tikelnamikikan
¿Keyej moixtalij maj timotokaytikan itaixpantijkauan Jiova?
¿Keniuj tiknextiaj ke timotasojtaj se uan okse?
¿Tikonnemilia ke itaixpantijkauan Jiova yekmelauj kichiuaj kemej Cristo?
NO XIKONITA NEJIN
Okachi xitechonixmati.
Los testigos de Jehová: una historia de fe viva. Parte 1: Salen de la oscuridad (1:00:53)
Xikonita seki tamachtilismej tein itaixpantijkauan Jiova kinextianij ke amo kisa itech Biblia.
Okachi xikonixmati itaixpantijkauan Jiova.
“Netajtanilmej tein mochiuaj ika itaixpantijkauan Jiova” (Taxelol itech jw.org/ncj)
Stephen kichiuak miak taman tein semi amo kuali porin tetauelitaya, xikonita toni kiitak ke kichiuaj itaixpantijkauan Jiova tein kipaleuij maj mopata.
“Mi vida iba de mal en peor” (La Atalaya, 1 de julio de 2015)
a Itech xiuit 1879, itekitikauan Jiova peuak kikixtiaj amaix Tanejmachtijkej kampa kimelaua tein kijtoua Biblia.