TAMACHTILIS 53
Maj kiyolpakti Jiova tein ika tionmoixpetania
Jiova “Dios akin yolpaki” (1 Timoteo 1:11, TNM). Yejuatsin kineki maj tiyolpakikan itech tonemilis, kiuelita maj timoseuikan komo titekitikej uan maj timoixpetanikan. Itech nejin tamachtilis tikitaskej tein kualtsin tein uelis tikchiuaskej keman timoixpetaniskej uan tein kiyolpaktis Jiova.
1. ¿Itech toni moneki titanemiliskej keman tikixpejpenaskej toni ika timoixpetaniskej?
¿Toni tikonuelita tikonchiuas keman tionmoseuia? Sekin kiuelitaj mokauaskej ininchan para kileroskej se amaix, kikakiskej tatsotson, kiitaskej películas oso kikuitoskej Internet. Sekin kiuelitaj kichiuaskej okseki taman iniuan akin kuali mouikaj, ajkuitij, mauiltitij oso sayoj nejnemitij kansaika. Tein yeski tein tikuelitaskej tikchiuaskej, moneki tikixpejpenaskej “tein kiyolpaktia toTajtsin” (Efesios 5:10, TNM). Semi moneki maj tikmatikan toni kijtosneki nejin, porin miak taman tein miakej kikakij, kiitaj uan kichiuaj kipia tein Jiova kitauelita, kemej tateuilis, auilnemilis uan naualot (xikonita Salmo 11:5). ¿Toni techpaleuis maj kuali titaixpejpenakan?
Komo akin iniuan kuali timouikaj kitasojtaj Jiova, techpaleuiskej maj tikchiuakan tein kuali uan maj kuali tikixpejpenakan tein ika timoixpetaniaj. Kemej timomachtijkej itech tamachtilis 48, “akin nentinemi iniuan akin tamatinij mochiuas tamatkej”. Sayoj ke, akin nochipa mouika iniuan akin amo kitakamatij Jiova “kipias ouijkayot” (Proverbios 13:20).
2. ¿Keyej moneki tikixtaliskej kanachi tiempo timoixpetaniskej?
Maski Jiova techkaua maj ika timoixpetanikan seki taman, moneki tikitaskej maj amo techkuili miak tiempo. Komo amo, amo tikpiaskiajok tiempo para tikchiuaskej tein okachi moneki. Biblia kijtoua maj ‘kuali tikuikan totiempo’ (xikonita Efesios 5:15, 16, TNM).
MAJ OKACHI TIMOMACHTIKAN
Maj tikitakan tein uelis tikonchiuas para kuali tikonixpejpenas tein ika tionmoixpetanis.
3. Amo xionmoixpetani ika tein amo kuali
¿Keyej moneki kuali tikixpejpenaskej toni ika timoixpetaniaj? Xikitakan VIDEO uan ika xitajtokan nejin:
¿Keniuj seki neixpetanilis tamatij kemej akin moteuiayaj ne uejkauj ompa Roma?
¿Toni tein momachtij Dany kipaleuij maj kuali kiixpejpena tein ika moixpetanis?
Xikitakan Romanos 12:9 uan ika xitajtokan nejin:
¿Keniuj nejin texto techpaleuia maj kuali tikixpejpenakan toni ika timoixpetaniskej?
¿Toni Jiova kitauelita? Xikitakan Proverbios 6:16, 17 uan Gálatas 5:19-21. Keman nankiitaskej sejse texto ika xitajtokan nejin:
¿Toni tein moijtoua itech nejin texto okachi moita itech neixpetanilis?
Keniuj kuali tikixpejpenaskej tein ika timoixpetaniskej
Xionmotajtani:
¿Kipia tein Jiova kitauelita?
¿Nechtsakuilia maj nikchiua tein okachi moneki?
¿Kichiua maj nieto miak tiempo iniuan akin amo kitasojtaj Jiova?
Para amo techpanos teisa, moneki amo timotokiskej kampa uelis techpanos tein amo kuali. Yejua ika, amo moneki timoixpetaniskej ika tein uelis techijtakos.
4. Kuali xikonkui motiempo
Xikitakan VIDEO uan ika xitajtokan nejin:
Maski tokniuj itech video amo kiitstoya tein amo kuali, ¿toni kipanotoya?
Xikitakan Filipenses 1:10 uan ika xitajtokan nejin:
¿Keniuj nejin texto techpaleuia maj tikixtalikan kanachi tiempo timoixpetaniaj?
5. Xionmoixpetani ika tein amo mitsonijtakos
Maski Jiova amo kiuelita seki taman neixpetanilis, uelis timoixpetaniskej ika okseki taman uan timoyolpaktiskej. Xikitakan Eclesiastés 8:15 uan Filipenses 4:8, uan ika xitajtokan nejin:
¿Toni tein amo teijtakoua tikonuelita ika tionmoixpetanis?
Uelis timoixpetaniskej ika miak taman tein kuali.
TEIN SEKIN KIJTOUAJ: “Amo tajtakol maj se moixpetani kampa moita auilnemilis, naualot oso tateuilis komo amo se kichiua”.
¿Toni tikonijtoskia?
TEIN TIKITAKEJ
Jiova kineki maj kuali tikixpejpenakan tein ika timoixpetaniskej uan maj ika timoyolpaktikan.
Maj tikelnamikikan
¿Toni amo ika timoixpetaniaj akin tikchiuaj kemej Cristo?
¿Keyej moneki tikitaskej kanachi tiempo timoixpetaniaj?
¿Tikonneki maj kiyolpakti Jiova tein ika tionmoixpetanis? ¿Keyej?
NO XIKONITA NEJIN
Xikonita akoni moneki kiixpejpenas toni ika timoixpetaniskej.
Xikonita keniuj kuali tikonixpejpenas tein ika tionmoixpetanis.
“¿Son sanas nuestras diversiones?” (La Atalaya, 15 de octubre de 2011)
Xikonita kampa techtapouiaj ininnemilis “Me liberé de mis prejuicios”, keyej se takat kikauak tein ika moixpetaniaya.
“La Biblia les cambió la vida” (La Atalaya, 1 de febrero de 2010)
Xikonita toni tein kuali kichiuak se siuatsin ika neixpetanilis tein kipia naualot.