Xiontenojnotsa kemej kuali momachiliskej

Tein Felipe kichiuak

VIDEO: Felipe kinojnotsa se ueyichiujkej kayot Etiopía

1. Xikonita VIDEO oso xikonlero Hechos 8:​30, 31. Ompa xiontanemili itech nejin netajtanilmej:

1. 1). ¿Keniuj Felipe peuak kinojnotsa nejon takat?

2. 2). ¿Keyej tikijtouaj ke kuali kemej Felipe peuak kinojnotsak nejon takat uan ijkon kimachtij se taman tein amo kimatia?

Toni techmachtia tein kichiuak Felipe?

2. Komo amo niman tiktemouaj tiknojnotsaskej aksa ika Biblia, ta achto tiknojnotsaj kemej kuali momachilis, xa kinekis techkakis.

Xikonchiua kemej Felipe

3. Kuali xikonita akin tikonnojnotsa. ¿Toni kinextia iixko, tein kichiujtok uan kemej moketsa? ¿Moita ke kineki mouan tajtos? Se taman tein amo ouij kemej uelis tionpeuas ika tiontajtos Biblia, yejua komo tikontajtania: “¿Tikonmatia ke…?”. Komo aksa amo kineki tajtos mouan, amo teyi xikoniluiok.

4. Amo xionyolijsiui. Amo xikonnemili ke niman moneki tiontajtos ika Biblia. Ta xionmochia hasta keman tikonitas ke uelis uan ika xiontajto. Oso xa moneki tionmochias hasta keman oksepa tikonnojnotsas.

5. Komo moneki xikonpata tein ika tiontajtoskia. Xa peuas mitsonnojnotsas ika okse taman. Komo ijkon, ika xiontajto tein yejua kitekipachoua uan amo ika tein tikonnekia tikonnojnotsas.