XIONPEUA XIKINNOJNOTSA OKSEKIN
TAMACHTILIS 4
Maj tiyolyemankej
Tein Biblia kijtoua: “Xiyolyemankej uan xiknemilikan ke oksekin okachi tayekantokej ke namejuan” (Filip. 2:3).
Tein Pablo kichiuak
1. Xikonita VIDEO oso xikonlero Hechos 26:2, 3. Ompa xiontanemili itech nejin netajtanilmej:
1). ¿Keniuj Pablo kinextij ke katka yolyemanik keman kinojnotsak tekiuaj Agripa?
2). ¿Keniuj kitemoj Pablo maj kiueyitalikan Jehová uan itajtol, uan amo yejua? (Xikonita Hechos 26:22).
¿Toni techmachtia tein kichiuak Pablo?
2. Okachi kinekiskej techkakiskej komo tikinnojnotsaj ika poujkaitalis uan yolyemanilis.
Xikonchiua kemej Pablo
3. Maj amo kinemilikan ke tionmoueyineki. Amo xikonchiua maj akin tikonnojnotsa kinemili ke tejuatsin okachi tikonmati ke yejua. Nochipa xikonnojnotsa ika poujkaitalis.
4. Xikonnexti ke tein tiontamachtia mokixtia itech Biblia. Itajtol Dios ueli kinpata kemej miakej tanemiliaj uan tein kimachiliaj. Keman ika titamachtiaj, tikinpaleuiaj maj kineltokakan tein kijtoua.
5. Xionyolnejmach. Komo aksa amo kineltoka tein tikonmachtia, amo xikonchikaujkaui. Porin amo tiktemouaj timotajtolteuiskej. Komo tionyolyemanik, mitsonpaleuis amo xionkualani uan xikonita keman monekis tionyasya (Prov. 17:14; Tito 3:2). Komo kuali tikonnankilia uan tionyolnejmach, xa okse tonal kinekis techkakis.