OKSEPA XIKINKALPANO
TAMACHTILIS 8
Amo xionyolijsiui
Tein Biblia kijtoua: “Akin tetasojta amo yolijsiui” (1 Cor. 13:4).
Tein Jesús kichiuak
1. Xikonita VIDEO oso xikonlero Juan 7:3-5 uan 1 Corintios 15:3, 4, 7. Ompa xiontanemili itech nejin netajtanilmej:
1). ¿Itech takuaujtamatiaj iikniuan Jesús?
2). ¿Keniuj tikmatij ke Jesús kisentokak kipaleuij iikniuj Santiago?
¿Toni techmachtia tein kichiuak Jesús?
2. Sekin okachi uejkauaj para kiseliskej tein tamachtia Biblia, yejua ika moneki amo tiyolijsiuiskej.
Xikonchiua kemej Jesús
3. Xikonchiua okseki taman tein ika uelis tikonpaleuis. Komo peua tikonkalpanoua aksa uan amo kineki kiselis se nemachtil ika Biblia, amo xikonchikaujkaui. Sayoj ke komo tikonita ke tapaleuis, uelis tikonnextilis videos oso seki tamachtilismej para maj kiita keniuj titamachtiaj ika Biblia uan keniuj uelis kipaleuis.
4. Xikonelnamiki ke nochin akin tikinnojnotsaj tatamamej. Tinochin tataman tein tiknemiliaj uan tein tikchiuaj. Komo se tochankauj oso aksa akin tiknojnotskej amo kimati ox kiselis se nemachtil ika Biblia oso se tamachtilis tein kijtoua Biblia, xionmotajtani keyej amo kineki. ¿Xa semi kipatiuita se taman tein kimachtijkej itech itaneltokalis? ¿Xa ichankauan oso akin iniuan mouika amo kikauaj maj momachti? Xikonkaua maj kuali kinemili tein tikonmachtiani uan maj kipatiuita tein kijtoua Biblia.
5. Xikontajtani Jehová maj mitsonpaleui. Xikontajtani Jehová maj mitsonpaleui xikonsentoka xionkualtakat uan xikonita tein kuali tein kichiua akin tikonnojnotsa. Uan no xionmotataujti para maj Dios mitsonpaleui xikonita kemanian moneki tikonkauas akin amo kineki momachtis (1 Cor. 9:26).