Maj tikyekiluikan tein moneki kichiuas

Tein Jesús kichiuak

VIDEO: Jesús kiyolmajxitia se takat akin kipiaya miak taman

1. Xikonita VIDEO oso xikonlero Marcos 10:​17-22. Ompa xiontanemili itech nejin netajtanilmej:

1. 1). ¿Toni tein kuali kiitak Jesús itech nejon takat?

2. 2). ¿Keyej monekik Jesús kinextis ke kitasojtaya nejon takat keman kiyekiluij tein monekia kichiuas?

¿Toni techmachtia tein kichiuak Jesús?

2. Moneki tikintasojtaskej akin tikinmachtiaj, sayoj ke no moneki tikinyekiluiskej tein moneki kichiuaskej para motokiskej okachi iuan Jehová.

Xikonchiua kemej Jesús

3. Xikonpaleui akin tikonmachtia maj kiixtali kichiuas seki taman uan maj ijkon kichiua.

1. 1). Itech sejse tamachtilis tein kipia amatajkuilol ¡Uelis tiyolpakiskej nochipaya!, xikonkui recuadro “Xikonixtali tikonchiuas nejin”.

2. 2). Xikonpaleui akin tikonmachtia maj kimati keniuj kichiuas tein kiixtalij kichiuas niman uan no tein kiixtalij kichiuas satepan.

3. 3). Nochipa xikonilui akin tikonmachtia ke kuali tein kichiuania uan tein kichiujtok.

4. Xikonita toni kitsakuilijtok akin tikonmachtia maj kitekitili Jehová uan xikonpaleui para maj kichiua tein moneki.

1. 1). Xionmotajtani:

   • “Komo akin nikmachtia ayamo kichiua tein kipaleuis maj moaui, ¿toni xa kitsakuilijtok?”.

   • “¿Keniuj uelis nikpaleuis?”.

2. 2). Xikontajtani Jehová maj mitsonpaleui para tikonyekiluis ika netasojtalis akin tikonmachtia tein monekis kipatas, uan ijkon kichiuas tein Dios kineki.

5. Amo xikonmachtiok komo amo kichiua tein momachtia itech Biblia.

1. 1). Para tikonmatis ox monekis tikonsentokas tikonmachtis aksa, xionmotajtani:

   • “¿Kichiujtok tein momachtia?”.

   • “¿Youi nechikolmej uan kintapouia oksekin tein momachtijtok?”.

   • “Komo uejkaujya momachtijtok, ¿kineki mochiuas itaixpantijkauj Jehová?”.

2. 2). Komo tikonita ke akin tikonmachtijtok amo kichiujtok tein momachtia:

   • Xikonilui maj kinemili toni kitsakuilijtok maj kichiua tein momachtijtok.

   • Kuali xikonnemili keniuj tikoniluis keyej amo tikonmachtisok.

   • Xikonyekilui toni moneki kipatas komo satepan oksepa kineki momachtis.