¿Keyej taltikpakneminij kitataujtiaj Dios?

¿Mojmostaj tikontataujtia Dios? Miakej kemaj. Uan sekin kichiuaj maski amo kineltokaj ke nemi. ¿Keyej? Keman akin kayomej Francia kintajtanijkej keyej kitataujtiaj Dios, tajko kijtojkej ke kemansa motataujtiaj oso yolseujkatanemiliaj “sayoj porin kinekij kuali momachiliskej”. Ijkon kemej oksekinok akin nemij Europa, amo kichiuaj porin kinekij monojnotsaskej iuan Dios, ta sayoj porin kinekij kiseliskej “yolseuilis” tein kimachiliaj keman motataujtiaj. Uan no, moajsij oksekin akin kemaj kineltokaj ke nemi Dios, sayoj ke kitataujtiaj sayoj keman kipiaj kuejmolmej uan kichiaj maj niman kinnankili tein kitajtaniaj (Isaías 26:16).

¿Uan tejuatsin? ¿Tikonnemilia ke netataujtil sayoj mitsonpaleuia xikonyektali motanemililuan? Komo tikonneltoka ke nemi Dios, ¿tikonita ke yejuatsin kinankilia tein tikontataujtia oso tikonmachilia ke amo kikaki? Biblia mitsonpaleuis xikonita ke netataujtil, amo sayoj kemej se taman tein tapaleuia maj kuali se momachili, ta kemej teisa tein tel tapaleuia maj se motoki iuan Dios.