Watchtower BIBLIOTECA ITECH TEPOS
Watchtower
BIBLIOTECA ITECH TEPOS
náhuatl del norte de Puebla
  • BIBLIA
  • AMAIXMEJ
  • NECHIKOLMEJ
  • wp17 tapoual 1 págs. 5-6
  • ¿Keniuj uelis mitsonyolnotsas tikonixtajtoltis Biblia?

Amo moajsi nion se video ika tein tikonixpejpenak

Xitechontapojpolui, se taman kitsakuilij maj amo moita video.

  • ¿Keniuj uelis mitsonyolnotsas tikonixtajtoltis Biblia?
  • Tanejmachtijkej. Kiteixmatiltijtok iTekiuajyo Jiova (tein tiktemakaj itech tanojnotsalis)—2017
  • Tamachtilis tein iuan mouika
  • ¿Akoni kixejxeloj Biblia itech capítulos uan versículos?
    Tanejmachtijkej. Kiteixmatiltijtok iTekiuajyo Jiova (tein tiktemakaj itech tanojnotsalis)—2016
  • Tein uelis timomachtiskej
    Tanejmachtijkej. Kiteixmatiltijtok iTaixyekanalis Jehová (tein ika timomachtiaj)—2023
  • Keniuj okachi mitsonpaleuis tein kijtoua Biblia
    ¡Uelis tiyolpakiskej nochipaya! Biblia techiluia keniuj.
  • ¿Tikonkuitokya JW Library?
    Tein timomachtiaj itech nechikol Tonemilis uan toTanojnotsalis (2016)
Xikonita okachi
Tanejmachtijkej. Kiteixmatiltijtok iTekiuajyo Jiova (tein tiktemakaj itech tanojnotsalis)—2017
wp17 tapoual 1 págs. 5-6
Se siuat kitekitiltia tataman nepaleuilmej keman kiixtajtoltia Biblia

TAMACHTILIS ITECH IPEUJYAN AMAIX | KENIUJ UELIS MITSONYOLPAKTIS TIKONIXTAJTOLTIS BIBLIA

¿Keniuj uelis mitsonyolnotsas tikonixtajtoltis Biblia?

Kemej tikonita Biblia ijkuak tikonixtajtoltia uelis kichiuas maj mitsonyolnotsa oso amo. Maj tikitakan seki taman tein mitsonpaleuis maj mitsonyolnotsa tikonixtajtoltis Biblia.

Xikonixpejpena se Biblia tein kuali kitajtolkepkej uan tein kipia tajtolmej tein axkan mokuij. Komo keman tikonixtajtoltia tikonajsi miak tajtolmej tein amo tikonajsikamati oso tein amo mokuijok, uelis kichiuas maj amo mitsonyolpakti tikonixtajtoltis. Yejua ika, xikontemo se Biblia tein kikui tajtolmej tein amo ouij moajsikamatij uan tein ajsis itech moyolo. Uan no moneki maj ajsito uan maj takuaujtamach.a

Xikonkui tein yankuik kisani. Axkan, Biblia amo sayoj moajsi itech amat ta no itech tataman teposmej. Uelis tikonixtajtoltis itech Internet oso tikontemouis itech se computadora, tableta oso teléfono. Seki teposmej kipiaj tein mitsonpaleuis xikonita keniuj kitajtolkepanij se versículo itech okseki Biblias oso keniuj mouika iuan okseki tajkuilolmej. Uan komo tikonneki tikonkakis, no moajsi ika audio. Miakej kiuelitaj kikakiskej keman youij itech tepos ijkuak tekititij, keman tapaktokej oso kichiuaj okse taman tein amo ouij. ¿Katiyejua okachi mitsonpaleuia? ¿Keyej amo tikonyejyekoua semej?

Xikontemo okachi. Amatajkuilolmej tein kimelauaj okachi tein kijtoua Biblia mitsonpaleuiskej okachi xikonajsikamati tein tikonixtajtoltia. Ompa tikonajsis mapas tein kinextiaj talmej uan xolalmej tein ininka tajtoua Biblia nejin mapas mitsonpaleuiskej xikonnemili tein panok ompa. Uan no, seki tamachtilismej tein kisani itech nejin amaix uan itech taxelol “Enseñanzas bíblicas” tein moajsi itech jw.org, Internet kampa timoteixmatiltiaj mitsonpaleuiskej xikonajsikamati miak tajkuilolmej tein kipia Biblia.

Xikonpata kemej tikonixtajtoltia. Komo tikonita ke semi ouij tikonixtajtoltis Biblia kampa peua hasta kampa tami, xionpeua kampa mitsonyolnotsas. Komo tikonneki okachi tikonixmatis aksa akin Biblia semi ika tajtoua, uelis tikonixtajtoltis tein kichiuak itech inemilis. Recuadro “Xikonixmati akin ininka tajtoua Biblia” uelis mitsonpaleuis komo tikonneki tikonixmatis semej akin ika motajtoua. No uelis tikonixtajtoltis sejse tamachtilis tein kipia Biblia oso ijkon kemej moijkuilojtiyajkej. ¿Keyej amo tikonyejyekoua semej?

a Miakej akin kiixtajtoltiaj Traducción del Nuevo Mundo de las Santas Escrituras kiitaj ke ajsitok tein kijtoua, takuaujtamach uan ke amo ouij kiixtajtoltiskej. Nejin Biblia, tein kikixtiaj itaixpantijkauan Jiova, moajsi itech panoua 130 tataman tajtolmej. Uelis tikontemouis itech jw.org, Internet kampa timoteixmatiltiaj oso tikontemouis JW Library. Oso komo tikonneki, itaixpantijkauan Jiova uelis mitsonuikiliskej se kampa tionnemi.

XIKONIXMATI AKIN ININKA TAJTOUA BIBLIA

Seki siuamej akin amo kikaujkej Dios

Abigail

1 Samuel, capítulo 25

Ana

1 Samuel, capítulos 1, 2

Ester

Ester, capítulos 2-5, 7-9

María

(Imomaj Jesús) Mateo, capítulos 1, 2; Lucas, capítulos 1, 2; no xikonita Juan 2:1-12; Hechos 1:12-14; 2:1-4

Rahab

Josué, capítulos 2, 6; no xikonita Hebreos 11:30, 31; Santiago 2:24-26

Rebeca

Génesis, capítulos 24-27

Sara

Génesis, capítulos 17, 18, 20, 21, 23; no xikonita Hebreos 11:11; 1 Pedro 3:1-6

Seki takamej akin kichiujkej uejueyi taman

Abrahán

Génesis, capítulos 11-24; no xikonita 25:1-11

David

1 Samuel, capítulos 16-30; 2 Samuel, capítulos 1-24; 1 Reyes, capítulos 1, 2

Jesús

Evangelios Mateo, Marcos, Lucas uan Juan

Moisés

Éxodo, capítulos 2-20, 24, 32-34; Números, capítulos 11-17, 20, 21, 27, 31; Deuteronomio, capítulo 34

Noé

Génesis, capítulos 5-9

Pablo

Hechos, capítulos 7-9, 13-28

Pedro

Mateo, capítulos 4, 10, 14, 16, 17, 26; Hechos, capítulos 1-5, 8-12

TEIN TAPALEUIA MAJ SE MOMACHTI BIBLIA TEIN KICHIJCHIUANIJ ITAIXPANTIJKAUAN JIOVA

  • JW.ORG. Itech Internet kampa timoteixmatiltiaj tikonajsis miak nepaleuilmej. Ompa no uelis tikonitas keniuj tikontemouis JW Library

  • Amaix tein ika timomachtiaj iTajtol Dios. Nejin amaix kipia mapas uan taixkopimej tein kinextiaj xolalmej tein ininka tajtoua Biblia uan okseki taman

  • Biblia, ¿toni ika tajtoua? Nejin amaix tein kipia 32 páginas kinextia ika amo miak tajtolmej tamachtilis tein tayekantok itech Biblia

  • Perspicacia para comprender las Escrituras. Nejin amatajkuilol tein xeliujtok ika ome amaixmej techmatiltia okachi ininnemilis akin ininka tajtoua Biblia, xolalmej uan tein kijtosnekij tajtolmej tein ixnesij itech Biblia

  • “Toda Escritura es inspirada de Dios y provechosa”. Nejin amaix kipia miak taman tein timomachtianij itech Biblia kimelaua kemanian, kani uan keyej moijkuiloj sejse amatajkuilol tein kipia Biblia uan ika amo miak tajtolmej kimelaua tein kipia sejse amatajkuilol

  • La Biblia... ¿la Palabra de Dios, o palabra del hombre? Nejin se amatajkuilol tein amo ueyi, tein mochijchiuak ika miak nejmachkayot uan kipia tein kinextia ke Biblia yejua iTajtol Dios

    Amaixmej itech Náhuatl (norte de Puebla) (2003-2025)
    Kampa se kisa
    Kampa se kalaki
    • náhuatl del norte de Puebla
    • Maj se kipanoltili okse
    • Kampa se kipata kemej se kineki
    • Copyright © 2025 Watch Tower Bible and Tract Society of Pennsylvania
    • Kemej kinamiki motekitiltis
    • Keniuj tikyekpiaj tein tikseliaj
    • Kampa mopata seki taman
    • JW.ORG
    • Kampa se kalaki
    Maj se kipanoltili okse