¿Toni kijtoua Biblia?

¿Itajtakol Dios maj onka tajyouilis?

¿Toni tikonijtoskia tejuatsin?

• Kemaj

• Amo

• Xa

Tein kijtoua Biblia

“¡Nion ueli tiknemiliaj maj Dios akin melauak kichiua tein tel amo kuali, uan akin kipia nochi uelilis maj kichiua tein amo melauak!” (Job 34:10.) Dios amo kichiua maj onka tein amo kuali nion kichiua maj onka tajyouilis nikan taltikpak.

¿Toni okachi kijtoua Biblia?

• Satanás, “tayekanke [...] ten nikan taltikpak takitskijtok”, yejua akin okachi itajtakol maj onka tajyouilis (Juan 14:30).

• Keman taltikpakneminij amo kuali taixejekouaj kemansa nejon no kichiua maj onka tein amo kuali uan tajyouilis (Santiago 1:14, 15).

¿Tamis se tonal tajyouilis?

Tein kineltokaj sekin moajsij akin kinemiliaj ke komo timosenpaleuiaj uelis tiktamiskej tajyouilis, sayoj ke oksekin amo kineltokaj maj motayektali. ¿Toni tikonnemilia tejuatsin?

Tein kijtoua Biblia

Dios kitamis tajyouilis. “Amo aken momikilis ok; uan amo aken mochoktis ok; uan amo aken motekipachos ok; uan amo aken yoltajyouis ok.” (Apocalipsis [Revelación] 21:3, 4.)

¿Toni okachi kijtoua Biblia?

• Itechkopa Jesús, Dios kitamis nochi tajyouilis tein kichiuani Amokuali (1 Juan 3:8).

• Akin yolkualmej nemiskej nochipaya nikan taltikpak (Salmo 37:9-11, 29).