“Maj uiki moTekiuajyo”: Miakej kijtouaj nejin tajtolmej
¿No tiontajtani maj uiki iTekiuajyo Dios? Miak xiujmejya, miakej no tajtaninij nejon. ¿Keyej? Porin Jesús kinnauatij itatojtokakauan maj ijkon kichiuanij.
Ne uejkauj, itatojtokakauan Jesús amo niman kimatkej tein kinekia kiniluis keman ika tajtoj iTekiuajyo Dios. Se tonal, yejuan kitajtanijkej: “ToTeko, ¿oksepa tikixtalis tekiuajyot itech Israel itech nejin tonalmej?”. Jesús amo senkis kiniluij kemanian ualaskia iTekiuajyo Dios, uan yejua ika semi kintanemililtij (Hechos 1:6, 7, TNM). Uan tejuan, ¿uelis tikmatiskej toni kijtosneki iTekiuajyo Dios uan kemanian ualas? ¡Kemaj!
Itech nejin amaix monankilis nejin netajtanilmej:
¿Keyej moneki maj techixyekana iTekiuajyo Dios?
¿Akoni taixyekana itech nejon Tekiuajyot?
¿Kemanian taixyekanas nikan taltikpak?
¿Toni kichiuas iTekiuajyo Dios?
¿Keyej moneki tikpaleuiskej iTekiuajyo Dios axkan?
¿Toni kijtosneki iTekiuajyo Dios?