¿Xe uelis nitanojnotsas?
1. ¿Toni techpaleuis maj amo timomachilikan ke amo uelis titanojnotsaskej?
1 Komo iksa ijkon tionmotajtaniani, ¡xionmoyolchikaua! Niono ueyi nemachtil itech tamachtiloyan uan niono ueyi tamatilis, kipaleuia aksa maj mochiua se kuali itekitikauj Dios. Xikonelnamiki ke sekin yekinika imomachtijkauan Cristo, “amo keman momachtijkej para maj taixmatikan. Uan [...] katkaj sayoj milaj tekitinij”, sayoj ke uelkej kitetapouijkej kuali tanauatilmej. ¿Keyej? Porin senkis kitojtokakej neskayot tein kikauak Jesús (Hech. 4:13; 1 Ped. 2:21).
2. Xikonijto keniuj tamachtiaya Jesús.
2 Keniuj tamachtij Jesús. Itamachtilis Jesús amo katka ouij, niman moajsikamatia uan kijtouaya tein tapaleuiaya. Neskayomej, netajtanilmej uan tein ika peuaya tajtouaya amo katka ouij, yejika nochin kinekiaj kikakiskej (Mat. 6:26). Tel iminka motekipachouaya taltikpakneminij (Mat. 14:14). No tajtouaya ika yolchikaualis uan ika tanauatil, ta kimatia ke kipiaya inepaleuil Jiova, akin kiualtitanik maj kichiuaki nejon tekit (Luc. 4:18).
3. ¿Keniuj techpaleuia Jiova maj tikchiuakan tekit tein technauatijtok?
3 Jiova techpaleuia. Ika inechikol uan iTajtol, Ueyi Tamachtijkej Jiova, techmachtia uan techmaka nochi tein techpaleuis maj timochiuakan kuali titanojnotsanij (Isa. 54:13). Jiova kichiuak maj moijkuilo keniuj tamachtij Jesús, uan tejuan uelis timomachtiskej uan tikchiuaskej kemej yejua. Techmaka iespíritu uan techmachtia itech nechikolmej (Juan 14:26). Uan no, techmaka kuali tanojnotsanij tein techpaleuiaj maj okachi kuali titamachtikan.
4. ¿Keyej maj amo timomachilikan ke amo uelis titetapouiskej kuali tanauatilmej?
4 Yejika, amo onkak keyej timomachiliskej ke amo uelis titanojnotsaskej, ta “nochi in tekit ten tiuelij tikchiujtinemij, nochi Dios techpaleuijtiuj” (2 Cor. 3:5). Komo timotakitskiliaj itech Jiova uan senkis tikseliaj nochi taman nepaleuil tein yejuatsin techmaka ika netasojtalis, timochiuaskej kuali ‘titekitinij [...] uan ijkon uelis tikchiujtiyaskej [...] kuali tekitʼ (2 Tim. 3:17).