Keniuj tiktemakaskej revistas

La Atalaya 1 de agosto

“¿Toni tikonnemilia ke uelis techpaleuis maj tikpiakan yolpakilis? [Xikonkaua maj tanankili. Ompa xikonixtajtolti Mateo 5:3.] Yejua nejin se taman tein Jesús kijtoj keniuj uelis tikpiaskej yolpakilis. Nejin tamachtilis kijtoua seki taman tein Jesús kinextij keniuj uelis tikajsiskej yekmelauj yolpakilis.” Xikonnextili tamachtilis tein peua itech página 16.

¡Despertad! Agosto

“Itech miak películas kinnextiaj amokuali ejekamej, naualmej uan oksekinok. ¿Tikonnemilia ke yekmelauj nemij amokuali ejekamej? [Xikonkaua maj tanankili. Ompa xikonixtajtolti 1 Corintios 10:20.] Itech nejin tamachtilis kimelaua ika Biblia ox yekmelauj nemij amokuali ejekamej, uan kijtoua keniuj uelis timopaleuiskej maj amo techijtakokan.” Xikonnextili tamachtilis tein peua itech página 20.

La Atalaya 1 de septiembre

Xikonijto se taman tein mochiuak ompakauin tein semi tetekipachoj. Ompa xikonijto: “¿Kemansa tionmotajtaniani keyej taltikpakneminij kichiuaj tein tel amo kuali? [Xikonkaua maj tanankili.] Biblia techiluia keyej uelis tikneltokaskej ke nejon tamiti [xikonixtajtolti 2 Pedro 3:13]. Itech nejin tamachtilis kimelaua ika Biblia keyej mochiua tein amo kuali, uan keniuj amo uejkaua Dios kiixpolos nochi nejon”.

¡Despertad! Septiembre

“¿Tionmonemilia ke celular, Internet kampa motajkuilouiliaj oso monojnotsaj uan okseki taman teposmej, kinpaleuia taltikpakneminij maj amo momachilikan imin selti oso okachi kinijtakoua? [Xikonkaua maj tanankili.] Nikan tikajsij se taman tein techpaleuia maj amo timomachilikan toselti [xikonixtajtolti Hechos 20:35]. Nejin amaix kitemaka okseki kuali tajtolmej tein kisa itech Biblia uan techpaleuia.”