¿Uelis tikonpeualtis se nemachtil ika Biblia itech metsti octubre?
1. ¿Toni tiktemakaskej itech metsti octubre?
1 Itech metsti octubre tiktemakaskej La Atalaya uan ¡Despertad! Komo taltikpaknenkej kineki kimatis okachi, uelis timokepaskej uan tikmakaskej tratado ¿Tikonuelitaskia tikonmatis itanankililuan netajtanilmej tein motelneki? uan tikpeualtiskej se nemachtil ika Biblia. ¿Keniuj uelis tikchiuaskej?
2. Keman oksepa tikalpanoskej akin kiselij revistas, ¿keniuj ika tratado Tikonuelitaskia tikonmatis itanankililuan uelis tikpeualtiskej se nemachtil ika Biblia?
2 Keniuj tikuiskej tratado. Uelis tikijtoskej: “Revistas tein nimitsonkauilij, kiyoleua akin yeski maj kiita toni tamachtia Biblia. [Maj tikmakakan tratado Tikonuelitaskia tikonmatis itanankililuan uan maj tiknextilikan netajtanilmej tein kiualkui iixko amat.] Nikan moajsi seki netajtanilmej tein motelneki uan tanankililmej tein kitemaka Biblia tein semi teyolseuia. ¿Kemansa tionmotajtaniani semej tein nikan moajsi?”. Ompa, maj tikauakan maj tanankili. Satepan, maj iuan tikitakan itanankilil semej netajtanilmej tein yejua mochiuilia uan maj tikixtajtoltilikan semej textos tein ompa ixnesi. Ompa, xikonilui ke sayoj tepitsin tikitakej tein Biblia tamachtia uan xikonmaka amaix Tamachtia Biblia. Satepan, uelis iuan tikitaskej yekinika párrafo tein kiualkui capítulo tein yejua kiixpejpenak itech índice. Oso no uelis tiktemoskej itech amaix Tamachtia Biblia kampa okachi kimelaua nejon tanankilil tein kitemaka tratado. Nikan tikijtotij kani moajsi okachi tamachtilis tein uelis tikuiskej:
● ¿Toka motekipachoua Dios? (págs. 9-11 párrs. 6-10)
● ¿Iksa tamis neteuilismej uan tajyouilis? (págs. 12, 13 párrs. 12, 13)
● ¿Toni techpanoua keman timomikiliaj? (págs. 59, 60 párrs. 7, 8)
● ¿Oksepa tikinitaskej akin momikilijkejya? (pág. 71 párrs. 13-15)
● ¿Keniuj moneki tiknotsaskej Dios itech netataujtil kemej yejuatsin techkakis? (págs. 166, 167 párrs. 5-8)
● ¿Keniuj uelis tikajsiskej yolpakilis? (pág. 9 párrs. 4, 5)
3. ¿Toni uelis tikchiuaskej komo akin tikalpanouaj amo kiyekneki momachtis?
3 Sayoj ke komo teisa ika amo uelik tikpeualtijkej se nemachtil ika amaix Tamachtia Biblia keman oksepa tikalpanojkej, uelis timokepaskej uan tiksentokaskej iuan titajtoskej. Uan komo amo kiyekneki momachtis, uelis iuan tikitaskej okse netajtanil tein kiualkui tratado uan ijkon tikchiuaskej miakpa achto ke tiknextiliskej amaix Tamachtia Biblia. Moneki maj kuali tikuikan tratado itech metsti octubre. Ijkon uelis tikpeualtiskej se nemachtil ika Biblia uan tikinpaleuiskej akin yolmelaujkej maj kiixmatikan “Tajtoltsin ten yek melauj” (Juan 8:31, 32).