Keniuj tiktemakaskej revistas

La Atalaya 1 de marzo

“Keman tikintajtaniaj taltikpakneminij keniuj kiitaj Cristo, tataman tanankiliaj. Uan tejuatsin, ¿keniuj tikonita? ¿Kemej iKonetsin Dios oso sayoj kemej se kuali takat?” Xikonkaua maj tanankili. Xiksenitakan tamachtilis tein kiualkui semej netajtanilmej tijtiltik tein moajsi itech páginas 16 uan 17, uan no xikitakan se texto tein kijtoua maj se kiixtajtolti. Satepan xikonkauili revistas uan xikonilui kemanian nankisentokaskej namomachtiskej okse netajtanil.

¡Despertad! Marzo

Keman tikonajsis se telpoch, xikonnextili tamachtilis itech página 26. Xikonilui maj kiita yekinika subtítulo uan xikontajtani: “¿Tiknemilia ke melauak nejin tajtolmej oso amo? [Xikonkaua maj tanankili. Ompa xikonixtajtolti 2 Corintios 7:1.] Nejin tamachtilis kijtoua toni moneki tikmatis ika tachichinalis uan no kinextia keniuj se kikauas”.

La Atalaya 1 de abril

“Taltikpakneminij tataman kineltokaj akoni Jesús. ¿Tikonnemilia ke motelneki maj tikmatikan akoni yekmelauj Jesús? [Xikonkaua maj tanankili. Ompa xikonixtajtolti Juan 17:3.] Nejin revista kimelaua ika Biblia akoni yekmelauj Jesús, kani ualeuak, keniuj nemik uan keyej momikilij.”

¡Despertad! Abril

“¿Melauj ke ijkuak momikilia se tochankauj oso se akin kuali iuan timouikayaj tel okachi ueyi tayokol tikmachiliaj? [Xikonkaua maj tanankili.] Miakej kiitaj ke kinpaleuia nejin kuali tajtolmej [xikonixtajtolti Salmo 55:22]. Nejin amaix kijtoua seki taman tein techpaleuis maj amo semi timotayokoltikan, uan no kinextia keniuj uelis tikauaskej maj Dios techpaleui ika totayokol.”