“Xikintanextilikan nijin taltikpakuanij”

1. ¿Toni tatiochiualis tikpiaj?

¹ Tanex tein kipia tonaltsin keman tatanesi uan hasta keman tiotaki, semi kualtsin moita uan kiueyitalia Jiova. Keman Jesús ika tajtoj tanex, amo kijtojtoya tein kipia tonaltsin, ta kiniluij imomachtijkauan maj kipiakan tanex tein kiualkui “ne nemilis nachipa” (Juan 8:12). Se ueyi tatiochiualis maj se kipia nejin tanex tein kitemaka Dios, sayoj ke moneki maj amo sayoj tejuan tikpiakan. Jesús kijtoj: “Xikintanextilikan nijin taltikpakuanij”, nejin kijtosneki ke moneki maj ika tikinpaleuikan oksekin (Mat. 5:16). Axkan okachi moneki tikchiuaskej nejon porin noyampa taltikpakneminij moajsij kemej eskia tatayouayan. ¿Keniuj tejuan no uelis titatanextiskej ijkon kemej kichiuak Jesús?

2. ¿Keniuj kinextij Jesús ke motelneki maj tikuikakan tanex tein kitemaka Dios?

² Ika tanojnotsalis. Jesús kikuik tiempo, chikaualis uan okseki taman tein kipiaya porin kinuikilij taltikpakneminij tanex tein kitemaka Dios itech imin chan, itech xolalmej, tepemej... uan kampa moajsiskiaj. Kimatia keniuj nochipaya kinpaleuiskia nejin tanex tein kitemaka Dios (Juan 12:46). Uan kemej kinekia maj nochin kipianij nejin tanex, kinpaleuij imomachtijkauan maj mochiuakan kemej “tanexilomej para in taltikpakuanij” (Mat. 5:14). Uan melauak ijkon kichiujkej ta kinpaleuijkej taltikpakneminij uan kinmachtijkej iTajtol Dios.

3. ¿Keniuj uelis tiknextiskej ke tiktasojkamatij tanex tein kitemaka Dios?

³ Axkan itekitikauan Dios kiitaj ke motelneki ‘nentinemiskej ika ne Tajtoltsin de Dios ten tatanextia’; yejika tanojnotsaj kampa moajsiskej taltikpakneminij (Efe. 5:8). Komo ijkuak timoseuijtoskej itech tekit oso escuela techitaj tikixtajtoltiaj Biblia oso se amaix tein techmaka inechikol Dios, uelis techpaleuis maj tipeuakan ika titajtokan Biblia. Ijkon kichiuak se tokniuj ichpoch uan uelik kipeualtij se nemachtil ika Biblia uan kinkauilij libros 12 imomachtijkaijkniuan.

4. ¿Keyej motelneki maj kuali timonejnemiltikan uan ijkon uelis titatanextiskej?

⁴ Ika kuali tachiualismej. No moneki kuali timonejnemiltiskej uan ijkon uelis titatanextiskej (Efe. 5:9). Kampa titekitij, itech escuela uan kampa moajsiskej taltikpakneminij, tokuali tachiualis kemej itekitikauan Dios niman kiitaj miakej uan tapaleuia maj ika titajtokan Biblia (1 Ped. 2:12). Se neskayot, ikuali tachiualisuan se konet tein kipia makuil xiuit kichiuak maj itamachtijkauj kinnotsani itatuan. Yejua kiniluij: “¡Amo nikitstoya se konet kemej yejua maj kuali kiajsikamati tein kuali uan tein amo kuali!”. Kemaj, ika totanojnotsalis uan ika tokuali tachiualisuan uelis tapaleuis maj kinekikan kiseliskej tanex tein kiualkui “ne nemilis nachipa” uan maj kiueyichiuakan Dios.