Kampa monankilia netajtanilmej

◼ Komo kaltenoj timomachtiaj ika Biblia iuan aksa, ¿uelis tikchiuaskej netataujtil?

Semi tapaleuia maj se kichiua netataujtil keman tikpeualtiaj uan tiktamiltiaj se nemachtil ika Biblia. Keman tikchiuaj netataujtil, tiktajtaniaj Jiova maj techmaka iespíritu ijkuak timomachtiaj (Luc. 11:13). Uan no, kipaleuia momachtijkej maj amo kiauilmati nemachtil uan tiknextiliaj keniuj kichiuas netataujtil (Luc. 6:40). Yejua ika, keman tikitaskej ke uelis, kuali eskia maj niman tikpeualtikan nemachtil ika netataujtil. Sayoj ke, kemej tataman panoua kampa moajsij taltikpakneminij, akin tamachtia moneki kuali kiixejekos ox kichiuas netataujtil keman kaltenoj momachtis ika Biblia iuan aksa.

Se taman tein techpaleuis yejua maj tikitakan kani timomachtiaj iuan taltikpaknenkej. Komo amo semi yetokej kampa timoajsij, uelis se kichiuas se netataujtil tein amo uejkaua keman tikpeualtiskej uan tiktamiltiskej se nemachtil iuan aksa tein moita kineki kisentokas momachtis. Sayoj ke komo amo kuali kiitaskiaj akin ompa moajsij oso momachtijkej amo kuali momachiliskia, semi kuali eskia maj tikchiuakan netataujtil hasta keman amo semi yetoskej kampa timomachtiskej. Kampa yeski timomachtiskej, moneki kuali tikixejekoskej kemanian uelis tipeuaskej ika netataujtil (xikonita Nuestro Ministerio del Reino marzo 2005, página 4).